瞓左差不多12小時，諗住唔使咁早入去，不過醒左就早D起身喇！瞓太多今晚驚瞓唔著！
一早出來的最大難題，就係搵早餐食！在日本，揾朝食真係有D難度，因為只有廿四小時營業的店才有開，例如拉麵、燒烤海產、炸雞等，比較 heavy，如果想食個炒蛋多士之類，真係難！有D coffee shop 開左，例如 Starbucks ，都知道有乜食，所以對我呢D想食碗麥皮或者粥，真係唔使諗，最後冇乜得揀，就揀左食尋日食果間烏冬，平平地，有D湯冇唔 dry！
食完烏冬出發去環球影城，坐阪神電鐵的難波線 （HS)，撘四個站去西九条，落一層出閘，轉 JR 夢咲線 （P），往櫻島方向，其實車站有好多指示去環球影城，唔使驚睇唔到，到左環球影城，幾乎全車人落車，就知到左！今日都好多人，去到門口當然影一輪相先啦！今期都係 Minions park 為主，現場大量黃、藍色 minions 裝扮，其次係哈利波特，今日好凍，先入去商店暖一暖，行一圈睇定有冇野啱，夜晚先至買。跟住去哈利波特睇下，想玩禁忌之旅要排160分鐘！！！今晚先來排，依家先去食個 lunch，去左哈利波特的 Three Broomsticks 餐廳，食左個燒雞粟米，好味！
食完野，去左 Jurassic park 同 Minions park 行下，由於翼龍呢個機動遊戲太剌激，我地都唔會玩，Minions 果個又要排100分鐘，所以都冇排，估唔到哈利波特多人過 Minion ！我地行下 shop 又去玩下，我地只係玩左 Terminator 、Spider-Man 同埋烈火雄心，呢D比較低刺激遊戲！好快就黃昏，我地食左飯先，跟住去 shopping 同退稅，攪完已經7:19，即刻衝去哈利波特玩禁忌之旅，見要排隊，顯示要45分鐘，實際6分鐘已到入口，放野入locker，再上樓梯，再行行行，玩完出來7:50分，終於冇人排隊！其實可以玩多次，不過算喇！樂園收八點，仲要買小小野，跟住走喇！
沒有留言:
發佈留言