一個月前已經約左的飯局，去大圍食，上次食泰國菜果陣講左今次要食潮州野，好友食過呢間話 Ok，所以去食！
呢度係下徑口村，一排村屋地舖相連，地方幾大，有室內同室外，我地坐室內，我地六個人，叫左條鹽焗烏頭、豉汁蒸鱔、蠔餅、韭菜豬紅、鵝片、花枝蟹棗、糯米卷，今日唔係好肚餓，先試下條烏頭，打開魚皮，見到條魚有黃油，好靚，見魚尾有個label，有証書，食落口都知係好品質，正！個蠔餅唔係好大塊，但好厚！蠔仔唔腥，好好味！最鐘意食果兩樣都好好味！其他都好味，係豬紅一般。
成晚大家傾唔停，好開心，我地仲叫左個冰鎮菠蘿，都幾甜！我地傾左都好耐，跟住去搵糖水食，走果陣見到有螄蚶賣！早知叫碟食啦！見到呢到真係好多野食，下次可以再來！
沒有留言:
發佈留言