今晚去九龍城食泰菜，好友 send 左 open rice條 link 比我，跟住 open rice 地圖搵，發現地址係錯！走左去富豪酒店，先發現地址係候王道！要行返過去！好友已經到左，呢度唔算好大，不過無幾多個高，我地一路食住等，叫左生蝦刺身、無骨鳳爪、咖哩蟹、沙嗲串、燒雞翼、鹽燒鰂魚、炒椰菜苗等等，其實一班好友之中，有兩個已經離職多時，都一齊出來食 farewell dinner，有D都冇見幾年，個個都過得好好，聽到都覺得開心！
食完飯去食甜品！去左過幾個街口的小方糖，又有位！叫左即撞木桶豆腐花，店員話一人份量，但係都有兩、三碗！另外叫左黃金拿破倫，係芒果拿破倫，好脆好好味，仲有個齒頰留香，係牛奶布甸加榴連肉、榴連汁，大家講返那些年，收埋個榴連去後門食，驚D同事話臭，點知比人話收埋D好野自私食，原來個個都鐘意食！以後可以大大方方一齊食(^-^)
沒有留言:
發佈留言