又要宴客喇！今次挑戰11人飯局！
好友的兒子一歲生日，相約了一仲好友，一共11個人，不過有兩個臨時病咗，冇黎到，最後只有九個人，咁多人打邊爐就最啱啦，裝修之後，第一次在家裏打邊爐，我哋去街市買咗海鮮，有牛頸脊、九節蝦、帶子、象拔蚌仔、螺、脆肉鯇魚片、雲吞、韮菜餃、蟹柳等等，今次洗下啲嘢就食得，唔使煮煮小菜咁花時間！湯底用咗自家煮嘅，唔使用雞湯，我哋用咗白蘿蔔、蕃茄、薯仔來煮個湯底，好鮮甜又冇味精，正！我哋開咗支荔枝酒飲，上次在馬鞍山飲過，所以買支返嚟飲，基本上呢隻荔枝酒冇乜酒精味，甜甜地又唔會似藥水味，好啱女士們飲！好友飲咗杯淨 Vodka，開始胡言亂語，好好笑！
食完飯唔少得食蛋糕，好友訂咗個蛋糕好大個，我哋有本身食得飽，好彩仲有有食力嘅朋友，最後包底食晒成個蛋糕！成晚都傾得好開心，希望下次都可以再食過啦！
沒有留言:
發佈留言