諗住瞓晏D，都係一早醒左，hea 一陣先起身，今日行程係新宿shopping ，原本想去Skytree，諗落冇乜嘢要買，所以唔去啦，在新宿行街，一定去高島屋，同埋Tokyu hands，先去食啲嘢先，上咗高島屋頂層，大部份食店都未開門，有一間叫做Carmel 的店，已經開了門，這裏主要食奄列和蛋糕甜品，就試吓佢個奄列，飲返杯咖啡，另外見佢有疏乎里，話每日限售20份，又叫個試下，要等20分鐘，食完野可以慢慢等，個疏乎里發得好高，好味！
食完野去行街街，先行左高島屋，行埋 Tokyu Hands ，在Tokyu hands 都睇啱左幾樣野，有清潔用品、雨傘、購物袋、剪刀咁，仲幫朋友買行李套，在高島屋就睇唔啱嘢，在超市買咗橙，因為有得試食，覺得好好味，味道有D似橙同柑嘅混合，橙皮好薄，所以買咗一份四個，另外再買左香印提子，在高島屋和 Tokyu hands 來來回回左幾轉，然後去伊勢丹同O1O1行，在伊勢丹冇收獲，在O1O1 食個午餐先，去咗一間叫做博多華味鳥，主要食雞，不過想食果D夜晚先有，唯有求其叫左個水煮雞食，食完野繼續唔該，買左D妝物，同埋買左兩件衫，買左幾袋野，已經五點，返酒店放低D野先，再出去渋谷，地鐵只需要三個站就到！
去到渋谷都好多人，始終渋谷呢個地方唔係太熟悉，行幾條街之後，都覺得冇乜野行，又去搵野食，在商場見到有間 The Meat & Laboratory ，睇個名就知食牛扒，有豬、牛、雞、鴨、羊，我叫咗牛扒，一個三文魚沙律，同埋一杯飲品，食物質素有點失望，睇個名以為係好專業食牛扒類，可惜牛扒肉味唔夠濃，沙律菜同三文魚亦都唔係太夾！
無功而還，再返返去新宿，行埋廿四小時營業的驚安の殿堂，間間激安の殿堂都係擠迫，又多人又多貨，想話企定睇下野都唔得，通道實在太窄喇！就算睇啱野，收銀處果條人龍，你見到都唔想排，因為條人龍個個都買好多野，又要退稅有排等，所以最後都係買唔到野！返酒店食埋D橙先！
沒有留言:
發佈留言