話咁快就第三日啦，今日六點幾機，買咗兩點幾車飛，得幾個鐘頭時間，唯有留在新宿，先check區左放低行李，跟住當然去搵食啦， 九點左右呢啲時間，好多食肆未開，在New0man睇下有冇嘢食，呢度有個位置，係幾間食肆一齊，不過D早餐唔多啱食，午餐又未有，行返去高島屋又未有野食，唯有行下街先！
去 Tokyu hands 幫朋友買行李套，買完退埋稅，上去搵野食，去左一間叫做小松庵総本家的店，是吃蕎麥麵的，店子很傳統的那種日本裝修，就一試！呢度有好幾款 set，叫左蕎麥麵配国產牛肉飯，呢度蕎麥麵有分兩種，一種二八蕎麥，另一種生粉打ち，店員用有限英語解釋，大概是100%生粉打，同八成的分別吧！100%生粉打係貴D，就試生粉打ち，蕎麥麵係冷麵，食落爽口，夠彈性，但係個配角国產牛肉好好味呢！比佢搶晒風頭呢！
食完野行多陣，在地庫最後衝刺，買橙同提子，仲有我好鐘意食既 Gateau Festa Harada ，GOUTER de ROI ，原本只在小田急地庫一間，依家高島屋都有，不過呢度似乎係臨時╱短期租，因為唔係一個 counter，而係一個空位擺D枱咁！我買左我最愛的鵝肝味 Sommelier rusk ，同埋好友最愛的朱古力 rusk ！買左幾大袋，返酒店攞返行李，在酒店 pack 行李，除左提子 hand carry之外，其他 pack 入箱，其實買唔多，行李亦唔重，但係D包裝大盒，令個喼好爆，決定去到機場先再執過！
去到火車站月台等車，凍凍地，買罐熱的湯飲先！上到火車又眠一眠，好快到T2，先去磅行李，25kg多D，冇過重，拖個喼去公眾電話果邊，因為冇人，可以打開喼慢慢執，又唔會比人睇到！執完去 check in，行李寄左倉就可以去行下！T2呢邊冇乜野行，唔及T1咁大咁多野睇，同埋如果想食野，要過關前食，因為過關後好少選擇！
食多餐壽司先！去左壽司田，呢度好似得一間壽司店，叫左個 set，都有大拖羅同海膽，正！食完先過關！過左關冇手信要買，因為已經買晒，除非有薯條三兄弟，可惜冇！三日行程話咁快就完，翌日要返工喇！
沒有留言:
發佈留言