最近好友辭咗工，見佢得閒就約佢食飯，原本諗住食乜嘢好，佢提議去我屋企食，因為未去過我屋企，所以想上嚟睇下！
即日通知，唯有即刻去買餸！得兩個人唔係咁多嘢食，首先買塊靚牛扒先！出咗去尖沙咀 City super買，見佢做緊示範山形牛，雖然好香，但係我覺得太肥啦，油脂太重了，都係買返韓牛，買咗一塊細細地，另外買咗沙律菜！即刻要趕返屋企！
返到屋企樓下，在街市買咗蝦同埋石斑，整定D嘢等佢上嚟，佢有朋友車佢過嚟，所以俾咗地址佢，就自己去到我樓下，打比我叫我開門！
好友轉左工，走去賣生果，所以攞咗啲水果上來，有靚靚的香印提子，仲有啲未見過嘅水果，放在雪櫃先，食完飯再一齊食下，我也兩個人，開咗支梅酒飲，係我在日本買果支八年梅酒，最近幾次去日本都要買，但係只有7-11先至有售，而日本7-11亦冇咁多分店，所以都唔係咁容易買到，因為就算有7-11，都唔係間間有貨！手頭上仲有三支，兩支330ml，一支500ml，在東京買的是330ml，在大阪買到的是500ml，我一年去幾次日本，應該都唔難補貨。
食完飯我哋一齊睇下電視，食下水果，又口痕攞包薯片出來食，薯片係頭先在 City Super買的，見佢係和牛Wasabi味，就買來試下，不過食唔出有呢兩隻味，就好似一般原味薯片一樣！傾到十一點幾，好友要出去果欄入貨啦，就送佢去搭車，去到巴士站先發覺尾班車已經開咗，唯有改搭小巴去地鐵啦！今晚好開心，傾左成晚計，希望下次可以多幾個人一齊再傾啦！
沒有留言:
發佈留言