等左咁耐終於等到今日，今朝一早起身入園，我地行去 JR難波站撘車，都頗遠，行左成十分鐘先到，因為未試過去JR難波站，所以試試，在JR難波站撘一個站，去今宮站轉大阪環狀線，搭4個站去西九条，再過對面月台轉ゆめ咲線（夢咲線/桜島線）2個站，就直達ユ二バーサルツティ站（ Universal studio ），去到樂園門口，影左幾張相，因為買左 Harry Potter 九點幾時段入園，先去換入場券同 fast pass，在售票處攪左一輪都換唔到，轉去 guess counter 問下，比返個名就換到，好友擔心換唔到入埸券，一路好擔心，我就覺得我地 through 旅行社買，有乜事自己比錢買飛先，返香港同旅行社退返錢！
可以入園喇！好開心！先去 Harry Potter，去到發現，原來以經取消左限時入場，去年十月來的時候仍要限時入場，要買保證入場券，依家冇限制，可以隨時出入，但係點解旅行社又比張限時入場券我地呢？？去到 Harry Potter先去食野！因為 fast pass 仲有成個鐘，去醫肚先，園區內唯一的一家餐廳，我叫左半隻雞，好友就牛扒拼雞，每人有一支粟米同薯塊，好味！我地用相機 live function 影我地刨粟米個樣，好攪笑！
食完野，去玩喇，用 fast pass 玩Harry Potter and the forbidden journey 哈利波特禁忌之旅 4K3D 遊戲，唔使點排隊好快就入到去，玩完出嚟跟住再去玩鷹馬的飛行 Flight of the Hippogriff ，呢個未玩過，因為佢係過山車，不過見佢唔係好高，睇落亦都唔係好快，所以走去玩，事實比想像中快同埋高，好在路程好短，好快就玩完！我地影下相，行一陣就出返去喇！反正隨時可以再入嚟！
出去再玩其他遊戲玩，一路有影下相，先去玩Spider Man，今日樂園都好多人，好多人扮鬼扮馬，好多唔同既鬼鬼造型，原本想去玩烈火雄心，但係裝修緊，行咗一陣去買咗少少野食，坐下休息一陣，望到新果個翼龍機動遊戲，都好高下，好友個fast pass 今晚可以玩，而家見到都有D驚！跟住好友去玩 Dinosaur 個遊戲，係會濕身的，我唔玩就幫佢拍片影相，都影得好清楚，有時有朋友唔玩機動遊戲嘅好處，就係可以幫你影相喇！
行下玩下好快天黑喇，玩完大白鯊隻船，就去玩翼龍喇！在遊戲機出口等好友，嘗試幫佢拍片，但係太黑喇！影唔到！好友話好好玩，開頭有D驚，因為升到好高，之後就唔太驚！
入夜之後開始有D喪屍出動，如果掛咗佢哋果個三眼頸繩，D喪屍就會走埋嚟嚇你，雖然我掛咗呢個頸繩，但係佢哋嚇我，我都唔驚！好友戴果陣，佢就有少少驚喇！因為佢比喪屍圍佢啊！
今日人為一早出來，所以要早D返去休息，明天繼續，回程搭番去梅田果邊轉車，返到去心齋橋，去南海同嗰邊搵嘢食，因為果日去食烤肉果陣，見到好多食肆，不過去到，選擇太多唔知去邊間好，最終揀咗一間好似好地道，類似居酒屋咁嘅食店，餐牌全部日文，不過都搵到張英文餐牌俾我地，不過唔好咁詳細，睇日文餐牌有D漢字仲容易明，我哋叫咗刺身拼盤、燒秋刀魚、壽司拼盤，又叫梅酒飲，食完又去便利店睇下有冇零食買，最重要買兩支水明天飲！
沒有留言:
發佈留言