又去旅行喇！今次去大阪，plan 左半年，終於到今日，今次冇買 package，自己上網訂機票、酒店，雖然價錢貴左，但係揀左 Swissotel ，超近火車站，唔使拖行李行好遠，飛機就坐 HK Airline，坐中午12:05pm航班，我地9:40am 去到機場，HK airline 有三個櫃枱辦理登機，分別左 G、H、K，而G同H係比團體票辦理，K先係個人票，去 K 果行辦理登機，好多人！呢到又分左自助登機同經濟倉登機，我地排經濟倉登機，排排下先發現應該排自助，因為我地已經在網上登記左，但係自助果行好多人，只有6個人做野，我地排緊果邊少人D，因為有8個人做野，都係排左十幾分鐘攪掂，過左關就去食早餐，去左 spaghetti house 食，人唔多，坐得舒服，價錢差不多，又有人serve，我哋嘆完早餐先至係返閘口，HX6028閘口在212號，要坐無人駕駛，去到閘口已經有人排緊隊，我地在網上預辦登機，所以揀左經濟位嘅第二行窗口位！
飛機遲咗少少起飛，呢班機需時3小時12分鐘，比預期快，我地坐得前，落機都好快，去到無人駕駛又剛好上車便開車，去到海關又少人，海關呡邊改咗做法，先替入境旅客scan 指模同影相，然後先過海關，快左好多，未試過咁快，去到行李運輸帶，D行李未到，未試過在日本要等行李！攞完行李，去坐 shuttle bus，去Rinku outlet，剛剛走了一班車半小時，不過傾下計好快過，車程20分鐘，去到見尾班車20:00，有個幾鐘，我地一入outlet，一齊睇手袋，每人買左一個。然後爭取時間，分道揚標，我去買 LC，好友去買 Lego，買完出來睇睇時間，就快七點啦，即係日本時間八點？嗱嗱聲搵埋好友走啦！佢仲買緊野！搭唔到尾班車，見到有間的士，唯有搭的士返機場啦！呢程車就真係貴啦，要成＄200幾！
返到機場，就去兌換南海電鐵車飛，最快果班車7:36 ，仲有幾分鐘就到，即刻走去月台上車，上咗車大約35分鐘車程就至，睇下個鐘，宜家先至8:05？原來新果部電話自動轉左本地時間，之前果部係唔會轉！換車飛果陣都冇為意坐7:36車係未到8:00！！白白比多錢坐的士！
checkin完，立即去搵野食！好友推介烤肉店在心齋橋戎橋筋旁的南海通，由高鳥屋出來，燈位左邊是心齋橋戎橋筋商店街入口，而右邊是なんば海南通，行入海南通，去到左手邊第一個街口，有間叫 Jumbo entertainment 的店，招牌有大量白色閃燈，好光，由呢度入去左邊條街，行過兩、三個鋪位，右邊就係 Namba Oriental hotel 而烤肉店就在Namba Oriental hotel 樓下，由轉轉門入去，直行入到盡唔使上樓，呢度係一個好細食街，得幾家食店，得呢間要等位，這店叫做 "國產牛燒肉あぶりや " (aburiya) ，￥3480 一位，長者和小童平D，呢度最好預約，因為好多人訂枱，walk in 就要碰運氣，我地今晚睇下有冇得食，冇就book 明晚，去到9:00pm ，店員話等5分鐘，10:30pm last order ，可以坐到11:00pm，入到去見到爆晒場，呢個鐘數開始有人走，我地一坐低，即刻叫野食，呢度叫野食淨係話比侍應知要乜野，份量冇得加減，佢地按人頭計，想叫兩份菜都唔得，要分兩次落單，我地幾乎每款牛肉都叫，食左多款牛肉，認為五花肉同橫隔膜牛排係最好味！可惜呢度冇牛舌，只有豬脷！其他豬肉、雞肉都冇叫，全程牛肉同菜！另外飲品方面，加¥980可以任飲，我地有加，先叫左兩次梅酒，再叫左兩樽熱sake，已經回晒本，呢度D sake 好飲喎！想再叫，但太飽了！
食飽四圍行下，好多店已經關門，只有24小時的激安殿堂可以行，又去戎橋影下相，行完返酒店已經兩點喇！明天繼續！
沒有留言:
發佈留言