35.6度

今日超級熱！高達35.6度，近幾十年最熱一日，今年天氣遲左熱，又成日落雨，冇幾多日好天過，得上星期一至五連續好天之外，今個夏天都冇乜陽光普照的日子！

咁熱，買塊韓牛返去煎吓先！去 City super 買，見佢地有兩款，一款韓國河東郡松葉牛係之前食過的，另一款新的，唔記得名，價錢貴$20 per 100 gram ，店員推介貴果隻，話肉味更濃！買果陣得兩塊，一塊 100 gram ，另一塊300 gram ，揀左塊大，店員話呢隻好好賣，今日賣左廿幾塊(^_^)！話有一個客買左十塊添！我叫佢比塊肥膏我起鑊，佢話切塊和牛肥膏比我！

買埋沙律菜，就返屋企煎！洗一洗煎 pan，燒熱後，用肥膏擦擦煎 pan，然後大火每邊煎一分錢，再中細火每邊煎三分鐘，效果是七、八成熟，沙律菜落陳醋加堅果仁油，再配返杯梅酒，雖然想配紅酒，不過得返幾支留返同朋友飲既紅酒，唔捨得開住，所以都係飲埋支梅酒算喇！用我好鐘意果隻蝸牛碟上菜！牛扒好好味，同之前食果隻其實唔大分別！食左韓牛，都覺得之前食 Dry aged 、wet aged都失色左，和牛又太多油，韓牛少D脂肪，肉味香濃，真係不作他選！