今日瞓晏左小小，出發去 Skytree，我很喜歡這個地方，多野食，多野睇！自從第一次來已經很喜歡，只上過去"樹頂"觀望一次，因為人龍太長了，太花時間，而且高的地方，不適合我呢D畏高人仕！
去到先食野！今日食鰻魚！呢度有兩間鰻魚店，之前食過另一間，呢間在門外可以見到個炭爐，明火燒鰻魚，試試佢先！未到 lunch time，都有唔少客，叫左個 set，另外叫一個燒鰻魚肝！鰻魚咁幼，個肝自然好細！所以一碟仔，得幾粒，脆脆地，唔算好好食，叫做試過就算！鰻魚燒到外皮脆脆地，味道同另外一間差不多，都好食！
食完野行街，買手信！呢度有個 outdoor 位置，做緊聖誕market，好多間小屋賣野食同飲品，幾好氣氛，Skytree 外牆有投影表演，好靚！好好氣氛！睇得好開心！唔覺唔覺又天黑，晚餐在 Skytree食埋，上左去31食肆數層，呢層有大玻璃，望出去都睇到附近景色！當上在樹頂！上次食過蟻月的牛腸鍋，今次試鐵板燒！在蟻月旁邊的摩天樓！
今晚都頗滿坐，但仍然有圍繞鐵板燒坐的位置！呢度有幾款套餐，叫左¥10800的 set ，有海膽、鵝肝、鮑魚、全隻龍蝦、黑毛和牛，呢餐真係三高！我諗好多人食呢個餐，見師傅一次過整好多份，龍蝦好新鮮！睇住一落鐵板時仍彈跳，師傅要用蓋，蓋住一陣！食物質素高，物有所值！
沒有留言:
發佈留言