終於到交樓日子喇！
約左迷你倉今日交倉，一早先去取門鎖，店員講解點樣 set 密碼和使用方法，然後返去取行李，坐的士返屋企，放低行李，然後去街市買野拜四角，落樓下燒埋衣紙。跟住到窗簾公司來裝窗簾，原本廳用兩層窗簾，點知唔夠位！因為上來度尺果陣未裝櫃，我唔記得同窗簾公司講有個櫃！佢地唔知，所以裝唔到！咁唯有裝一層，另一幅窗簾做spare！
整完窗簾，出返旺角去迷你倉交倉，今次有6、7個大漢搬！上次得兩個！上次搬來的時候，有五十幾箱，今次搬走，有六十箱，買多左幾箱野！佢地好快搬晒D野上車，跟佢地車返屋企，我上樓先，昨天已做了清潔，比預期清潔得多，基本上可以立即入住，我也是定了今天入住！
裝修公司的人也上來看看，我暫時都覺得滿意，晚上開始執野！最緊要攪掂張床先！舖左上次旅行買的溫泉床墊，雖然話單人床 size ，其實雙人床都夠！好快執左十幾箱野，不過全屋仍然有陣裝修味，開晒所有窗通風，等D味快D晒！
沒有留言:
發佈留言