一早七點起身去浸多次溫泉，預了一小時浸溫泉和一小時早餐，十點要 check out 坐巴士去返札幌，刷完牙洗個面，便穿浴衣去浸溫泉，今天終於試了 sauna ，坐一陣已經好焗想出去，用了5分鐘的漏斗計時，所以堅持了5分鐘！只有小小出汗，但皮膚感覺頗"慶"，出來想浸一下冰水，但身體未夠熱，覺得水很冰，還是沒有浸，再去浸露天風呂，昨晚只見到一個露天風呂，由第一個露天風呂旁邊沿樓梯落，仲有兩個露天風呂，呢兩個露天風呂旁邊有售賣酒類飲品，只是旁晚才開，如果一路浸溫泉，一路飲返杯，都真係幾寫意！今朝有微雨，浸第一個露天風呂會淋雨，樓下呢兩個有瓦遮頭，最重要係冇人，可以獨霸兩個露天風呂！哈哈哈！好舒服呀！
浸完溫泉，洗頭冲涼，去食早餐！早餐 Buffet 7:00-9:00，去到已經8:00，都好多人，食物也挺多選擇，不過我仍是選擇清淡的乳酪、白飯、豆腐、菇！食完返房執野！巴士10:00開，9：30去 check out ，在 check out 時才收取來回巴士費用共¥1000，然後在大堂上網等車，車到了，要落去 basement 果層上車，上車前照舊點名睇你有冇預約，今朝架車都係十幾個人坐，大把位，開車時間遲了小小，因為有乘客遲到！
今次溫泉之旅好開心，好 relax ! 好回味！希望下次去日本，一定要安排住一晚溫泉酒店！在車上睡了一覺，一小時後中途站休息，再一小時車程返回札幌，今日札幌落雨，雨勢也不小，先返去JR Inn放低袋行李，再出去！先在市內找吃的！大丸旁邊有兩座相連的商場，其中一座是 Stellar Place，這裡有幾層是食肆，之前上網睇過，有間叫做根室花まる，的迴轉壽司店，頗為人氣，所以要找找它，其實在食肆的樓層，有好些食店，每間都好吸引，間間都想試，去到根室花まる，已經有十多人等位，其他食肆，就只有一家炸豬扒店有人排隊等位，其餘都幾 full ，但不用等位，一場來到就等等，反正一位應該好快！先取飛，像香港的元氣，輸入人數，再選擇是否留電話，取飛後去隊尾，這裡排隊是有位坐的，等了約廿分鐘，店員叫號碼（用日文），見前面冇人回應，就比 no.佢望，真係到我！一個人係快D！餐牌全部日文，唯有在迴轉帶上選擇，見師傅們會不停補充，都算新鮮，壽司每碟計埋稅 ¥140-¥453一碟，約$9-24港幣，這裡也有點菜紙比人客寫，真係寫，唔係有選擇比你剔，好彩之前買了一本壽司書，影低左壽司的樣子和日文名稱，比師傅睇就得，可以有按鈕蝦（牡丹蝦）食喇！：D，牡丹蝦壽司係一隻粉紅碟加一隻綠色碟，即係 ¥248+ ¥291共¥539，約$36.5港幣，隻蝦好厚身，都幾大隻，蝦膏做左軍艦，好好味！要encore ! 其他壽司跟香港的壽司有點不同，隨便選了幾款魚來吃，也向師傅多要些 wasabi ，因為壽司裡的 wasabi 也太少了！走的時候職員是數一數顏色碟的數量，然後出去付款，走的時候仍有很多人等位呢！
食完野，去樓上的 T38，T38其實是觀光展望台，日本好多地方都有座展望台，可能是日本人對高樓大廈的情意結吧！外面雨勢頗大，所以上去 hea 一hea先！去到售票處，完全沒有遊客，只有職員！買飛後，乘電梯上到去，像其他展望台一樣，有四面的玻璃，可看札幌市的東南西北面，這裡也沒有人，可以自由地自拍一番！行到另一邊，有間小cafe，有些人在 tea，我也吃個甜品吧！這 cafe有些枱是在玻璃窗前面，可以坐這裡邊看風景邊吃 cake，叫了朱古力蛋糕和烏龍茶，雖然外面的景色因下雨而變得灰濛濛，不過在這裡呆了近兩小時，也很優閒！hea 完再行了一圈便走了，因為地方太細了！
落返去乘地鐵前往薄野，只需兩個站，主要去搵一間叫做蝦蟹合戰的店，這店是吃放題的，有任食蝦蟹，價錢只是¥4200，這店是上樓店，大廈後面有個摩天輪，大廈對面是一座橙紅色的酒店，大廈入口前有個大大個的金色蛋型裝飾，上到去未開門，看見店外有張日文告示，有些漢字，大約意思是不招待一位，要兩位或以上，剛好有店員上班，問左店員証實不招待一位，唯有離開！
外面仍在落雨，步行往狸小路，這裡是購物街，人流也較多，在這裡行了一陣，見到有一家吃牛扒的店，店名叫做 Beef Impact ，從店外玻璃見到近門口的炭爐，正在燒牛扒，牛扒的售價是每 gram ¥7，一塊100g的牛扒才¥700，約港幣$45.5，而店外的餐牌，正做牛脊里 promotion ，200g ¥2400，300g ¥3600，約$156 及$234 港幣，就試試它吧！店裡坐位不多，約10個bar 枱位和6-7張四方枱，四方枱坐滿了，剩餘最後一張，我入坐後只剩 bar枱位，叫了200g的牛脊里和一杯紅酒，牛扒放鐵板上，沒有像港式鐵板般淋醬汁，在牛扒上有些蒜片和牛油，另有一支 steak sauce，牛扒質素尚可，當然，食過 Dry / wet aged，會覺得肉味略淡，但以價錢計算是物有所值！雖然是明火炭燒，但欠缺了炭火燒烤香味！紅酒是廉價貨色，將貨就價吧！
食完飯搭返地鐵返酒店，趁大丸未關門，去買生果食！呢期D生果都係柑、蘋果、橙，見有士多啤梨，臨近收工，減左¥200，就買士多啤梨啦！見到有帆立貝柱，有買5送一優惠，又買幾包做手信！今晚早D瞓！明天晨早要搭車去函館！
沒有留言:
發佈留言