仲夏夜奇薈 Magic Access Appreciation evening 2013

早兩三個星期前，收到迪士尼的邀請咭，在八月三十號和三十一號，兩天晚上有一個名為仲夏夜奇薈的 Event，是招待一些已連續兩年續會的奇妙處處通會員，要預先上網登記，同時可帶一個有奇妙處處通的朋友同行，因為怕週六多人，所以選了週五，登記時見有近八千個名額，連同可帶一個人入園，即是約有萬六人可以參與。

由於 Event 在晚上八時至十一時，所以天黑才入場，入到去，先在售票處領取掛牌，登記的會員可獲一個紀念 badge ，因為我們只登記一個名，所以只有一份 badge！早知兩個都登記！入場後，看看節目表，有三個表演項目，分別有 :

1 ) 怪獸啦啦隊，全晚有三節，9:30 / 10:00 / 10:30
2 ) 奇妙今晚夜，也是有三節，8:15 / 9:15 / 10 :15
3 ) 獅子王慶典尊貴特別場，只有 9:00 一場！

如果要早 D 睇晒每個節目，就先睇 8:15 的奇妙今晚夜，預計睇廿至三十分鐘左右，然後睇 9:00 獅子王，睇半小時左右，再睇下趕唔趕到睇 9:30 的啦啦隊！見有時間，先去玩一轉灰熊山谷和迷離莊園，順便換埋支免費雪條食，雖然是夜晚，仍有點熱，要降降温！迷離莊園的人龍比預期多，玩完出來已經放緊煙花！原本諗住睇埋煙花！但係遲左出來，加上封了路，行到去城堡前，剛好放完煙花，人群開始散，我們就像三文魚，逆流而上！去到劇場已經 8:18 ，無得入去！唯有睇下一場，唔想 miss 9:00 既獅子王，早小小行過去，想去附近 shop 凉下冷氣，不過店鋪已經 close ，所以去排住隊先，好彩有風扇，無咁熱，等左無幾耐就入得場，等 D 人入晒場之後，先來三個打鼓的演藝人員，與觀眾互動打鼓拍手，攪攪氣氛！跟住各卡通人物入場，連同迪士尼的 MD 和樂園大使入場，兩人先後用中英文致謝詞，然後表演開始，當大家發現表演其實是平時那個獅子王，開始有人離場，我們估計整個表演應和平時一樣，都不想花時間在這裏，不如過去睇奇妙今晚夜，雖然在表演中途離開，對表演者不太尊重，但時間有限，還是離開了，先去看怪獸啦啦隊，去到剛開始，是毛毛和大眼仔，連同幾個女生一起表演啦啦隊歌舞，睇完立即去睇 10:15 的奇妙今晚夜，入場前，先問問職員表演內容是否跟平時一樣，職員說不同的，便入場看表演了，全晚的表演和平時完全不同，主要是一個女歌手唱歌，一班舞蹈員跳舞，每 part 歌舞之間，是有獎問答遊戲，成晚氣氛很好，可能各人都是迪士尼粉絲，格外投入，最重要是成晚都無國內同胞，也聽不到國語呢 ！

在店內外看到不少八週年的紀念品，樂園已悄悄地過渡了八個年頭，不明白為甚麼不做一些週年紀念活動，可能擴建花了很多錢，要十週年才大搞吧！