甜品工房

食完晚飯，梗係 dessert time ，行返去厚福街，上次食唔到甜品工房，今次再去，超多人等位，可能五代同堂執左，D人過晒呢邊，等左大約廿分鐘便有位，坐位編排得密麻麻，主要是幾排長枱，面對面坐，餐牌的選擇頗多，主要是幾個類別，有芭菲、Froyo、刨冰、和菓子、飲品等，我們選了得到金獎的甜品，叫做紫葡之戀，它是一個巨峰提子刨冰，伴了提子、雪米糍、類似爆珠丸子的琉璃珠，刨冰是巨峰提子味，就像果汁糖的味道，而另一款是冰川拉麵，所謂拉麵是較啫喱硬身的條狀，它的淺藍色很漂亮，有點幻彩，本身是沒有味道的，所以會跟一小碗的糖漿，除了"拉麵＂，還有芒果粒，蜜爪球，裡面亦是刨冰，其實唔太想食刨冰，不過無留意它有刨冰在中間，所以再另外叫左花茶飲，有士多啤梨玫瑰花花茶，和合歡花花茶，透明的杯子，透明的茶隔，飲時看不到茶隔，正奇怪飲的時候茶葉會沾滿咀，發覺個杯鬆鬆地，原來是茶隔未取出來！花茶好清香，仲有一塊曲奇跟埋，不過好飽，所以冇食！另外店內有售賣和菓子及 macaron，看來冇人買，可能周圍有好多更好的 macaron 店，而和菓子不是有太多人喜好吧！