住家菜

玩左半日，出左身汗，又累又餓，去到尖東，見車站廣告介紹一家酒樓，因為想食小菜，所以去試下，去到帝國中心，要從扶手電梯上兩層，但係上左一層就見到這家叫住家菜的小菜館，店外加了枱也坐滿人，門口有幾款推介小菜，而店子註明不落味精，於是改去這間，未安排好坐位前，見別人叫了一個南瓜盅，入面是蒸排骨，好吸引，坐低之後諗住叫一個，但店員說已售罄，真可惜，不過餐牌尚有很多吸引的小菜，好幾樣都想食，見今日例湯是蓮藕章魚湯，好想飲，店員說指定信用咭有例湯送，剛好有，所以送了一煲，約有八至十碗份量，好味！小菜方面，先叫了個沙律黃金蝦，蝦先煎炸過，再加新鮮水果和沙律醬炒，水果有菠蘿和火龍果，都是新鮮的，不是罐頭菠蘿，好好味好甜，乾扁四季豆，味道OK，咸魚蓉煎肉餅，食唔到咸魚味，味道略淡，可能預左咸魚的咸味，所以肉餅便調淡了味道，鐵板牛柳粒，肉質和味道一般，竹筒飯，比想像中多，足足有五碗飯，味道也不錯，蒸魚，忘記魚的名稱，不過很新鮮和肉質算滑。

整體來說，食物質素不錯，確實很住家菜，最重要沒有味精，上菜非常快 (可能就快收工) ，難怪這麼多人！