去睇戲前，我地在 The One 影相，仲將 Duffy 放在 Iron man 度影相，好攪笑！
睇完戲，行去柯士甸道食飯，去到莊士倫敦廣場，要乘電梯上去，都好耐冇去呢度食飯，上到去冇乜人，可能太早，我地諗住等人齊之前，叫定野食，人一到齊即刻有得食，但係顧住傾計，人到齊先記得未落 order ！落完 order 後，大家在傾計和拍照，分別用手機和相機拍照，睇返d相，都係相機d 相靚！很喜歡其中一張我和魚魚的合照，她笑得好開心！一直都擔心她的生活，少見她笑得燦爛！
我地叫左幾款沙律，飯麵，咖喱，又叫左烤包配咖喱，這烤包很好味，單獨吃也好好味！還有我必叫的椰菜苗，仲有小食拼盤，個南瓜條好味但太油，吃剩了一些，其他都吃光了，這裏的食物都不錯，只是店員的服務欠佳，我們追 order 時，店員竟說不是他落單，所以不知道，叫我們揾返落單果個問！我地埋單時，驚見有隻大曱甴在枱邊走出來！嚇得我們急急離開，店員只能在旁邊尷尬傻笑！
沒有留言:
發佈留言