通記

果日食完 High Tea，去左戲院睇吓有乜戲好睇，見"狂野時速5"仲未落畫，就買飛睇，入場前阿峰打電話來約食飯，於是約好散場後一起吃飯。

大家諗唔到食乜好，阿峰提意趁有揸車不如去西貢走一轉，於是我地入左西貢食海鮮。入到去都唔係好旺，我地行左去一間叫通記的海鮮酒家，店裏人也不多，我們還在看看有甚麼好食時，店員推介食套餐，每位三佰，有剌身，蒸帶子，椒鹽賴尿蝦，龍蝦伊麵，蒸斑頭腩，炸蝦頭，炒菜，炒飯，甜品，水果，好多海鮮酒都以這類套餐型式賣，反而自選海鮮會更貴！這類套餐食物款式算豐富，只是剌身有少少腥，炸蝦頭真的只有蝦頭，沒有蝦膏或蝦肉，其他雖然有點流水作業的粗制，但仍算不過不失，不知是否沒甚麼客，冷氣像關了一半，吃得身水身汗！要叫汽水飲！而且上菜很急趕，好像要趕收工！

飯後，我們到碼頭走走，坐在長櫈上閒聊，有陣陣清風吹來，比剛才舒服得多，坐了一會，便駛車走，路上，阿峰又建議走一轉飛鵝山！！於是，又上了山，可是太大霧了！甚麼也看不到！不過落山時，見山腰沒有霧，便落車看風景，有好些人都在這裏看夜景和傾計，好舒服好清新的一個晚上呢！