Rev up your summer fun

今朝起身見個天黑晒，天氣預告落雨，心諗，佢哋會唔會甩底呢？不過佢哋張Anual pass 25號到期，唔去就無得去，出門口時大家互通What's App ，去美孚等，食完早餐先入去。

去到既時候，有微微雨，不過好熱！第一站先去涼吓冷氣，入去shop行一陣，就去睇"閃電王麥坤熱身賽"表現，呢個係歌舞表演，用返之前 High School Musical個活動台，加埋同真車差不多大細的麥坤，表演完仲可以影相，睇完已經一身汗，即刻轉去睇4D，凉爽多了！跟住去睇Parade，睇左一陣就落大雨，連公主都要開遮，睇完Parade ，就去玩"特務車王選拔賽"，遊戲係每人會有一張遊戲紙，上面有QR碼，要去四個分站Scan 個QR碼玩電腦遊戲，玩完可以在遊戲紙上壓印章，集整四個印，就可以去總部影相，然後上返web site download，不過我無玩晒遊戲，佢哋scan個QR碼就知道！不過都比我地一齊影！

我地去睇完米奇金獎，就去玩幸會史迪仔，今次比佢揀中 Howard，好攪笑！今次算玩得多遊戲，玩左半日，熱到暈！係谷落雨果種熱！繼落雨濕濕去迪士尼之後，我地夜晚仲熱死辣辣打邊爐！