錦井

去睇Limitless 之前去揾食，去到 isquare 都無乜心水，單睇水牌無乜吸引，又唔想行咁遠，行過呢間見冷清清，其實呢度間間都咁冷清，聽講呢個商場，在阿凡達播影時才旺過一段時間，隨着電影落畫後便冷清得多了，諗落除左睇戲食飯，都唔會去呢度，多數揀The One，見Mira 都裝修緊，第日呢度可能仲靜，講返呢間食肆，主賣Toro，相信與牛藏是同公司，雖然店外註明食物有安全檢察，還是少吃點海產，叫了兩件壽司，冷豆腐，枝豆，烤牛舌，和栗子牛柳飯，味道一般，一心只想醫飽肚又近戲院的選擇。