Wooloomooloo

自從前The One 食肆頂樓 26/F既 Wooloomooloo 開業以來，幾個好朋友一直話要去試，都去唔成，上次walk in 入去又無位，今次一早訂位，終於去得成！ 我地坐既位則邊有好多木條做裝飾，這裏的燈光比較暗，餐牌看得不太清楚，要用電話照一照才看到，我們order 了烤蕃茄配芝士，煎鵝肝配蘋果蓉，個鵝肝同平時食果d唔同，好好味，餐前來了一個好好味既麵包，暖暖地，好好食，我地食晒成個！點解好多餐廳個麵包都咁好食？叫飲品時，大家都想飲cocktail，又唔知邊款好飲，就隨便叫兩杯Vodka，大家異口同聲都覺得入口不會澀，好飲！餐湯只有三款，大家都一樣要 mushroom湯，由於不是忌廉湯，顔色和味道有點點像素菜湯，主菜分別叫了Dry Aged & Wet Aged 牛扒，附上四種汁料，和四款mustard供選擇，第一次吃Wet Aged，好好味，雖然不及Dry Age般味濃，但肉質軟腍，入口溶化，好味！而且吃得很飽！連甜品也沒有吃！這時候，燈光調得更暗！但亮了些顔色燈，有點跳舞場feel，我們去到露天酒吧那邊看看，我鼓起勇氣走近露台，向外望，雖然天色灰暗，但美極了！望到全個尖沙咀，還看見對岸的國金二期，真不愧是東方之珠的美譽！ 天氣有點凉，還有小小雨粉，店員把火爐開了來暖一暖，我們拍了些照片，還在店裏拍了些照片，又看看他們的肉櫃，見有巴馬火腿，和包裝了的扒，我們拍照時店員還幫忙，店員全程的服務都很好，比好多酒店更好！値得一讚！一定會再來的！