Ovenhouse

一早約了好友去睇戲，我先一步到了尖沙咀，獨自到K11逛了一圈，這商場長期冷冷清清，比當年的圓方一樣，只是這裏細得多，但就腳的優勢幫助不到這裏，在商場的任何一間店，都沒有幾多個客，我只在書店看了一會，行行吓先發現原來這裏還有另一個地鐵出口，大概好多人不知道這出口，只見一兩個人行過！

上返地面，行出去The One，經過Awfully Chocolate 旁邊，見有一間賣餅的小店，糕點看來很漂亮，見有兩張高枱，應該可以堂食，走入店內，兩個店員很友善，說可以堂食，只是店裏未有賣飲品！想一想，還是要試試，坐在高枱上，望過對面是Holiday Inn，店裏還有售賣朱古力和曲奇餅，店裏有條小樓梯上一層，樓梯底是賣酒的位置，有個木桶做裝飾，有餅有酒還有魚翅鮑魚！是即食罐頭那種，唔記得牌子，好像是新同樂之類的牌子。

在蛋糕櫃看了一會，我選了黑黑的Charcoal 黑芝麻蛋糕夾綠茶蛋糕，加朱古力脆脆餅底，好味，餅面有一片綠色朱古力葉片，平時我是不會吃裝飾的朱古力，但這染色的白朱古力，薄薄的又唔太甜，也給我吃掉了！另一款芒果餅，單看外型，已知味道如何，沒有驚喜，只是個較隱陣的選擇，不過芒果好靚，又清甜，good！不過餅底硬了點！