Tiffin

約咗幾次先約齊人，一行六人去食tea buffet，大家都無乜idea去邊度食，原本想去既又無閒日tea buffet，最後揀左灣仔Grand Hyatt既Tiffin，呢度環境都唔錯，雖然有點點舊但仍不失氣派，呢度既客人都比較高檔，以外藉人為主，好多都似响度傾生意，亦有一些叫支酒慢慢飲的客，我地幾個casual wear，同呢度有點格格不入。

始終係五星級酒店，食物質素亦有水準，雖然只是下午茶小食，但種類亦不少，服務也很好，有我喜歡的煙三文魚，雞翼，小籠包，炒麵，雜菜沙律，仲有好多款cake同甜品，雪糕，我地已經無食晏，都食到好飽。

我地幾個人當中，有兩個今年結婚，可惜佢地同一個月，唔能夠去對方既婚宴，雖然大家唔介意去對方既婚宴，但係怕老人家唔鐘意，都係唔好去。真係好可惜！