早兩個禮拜同肥仔同埋Karen三個人去旺角食飯,果日Karen仲有d發燒,佢响openrice揾到呢間盛八日式燒肉店,就在近朗豪坊果間王家沙對面,地方唔算大,燈光都幾暗,坐低先知有d類似我之前去過銅鑼灣果間燒肉店既形式,叫d生既肉好似韓燒咁燒來吃,我地叫左和牛,豬肉,牛舌,菜同炒飯,價錢都唔算平,份量都幾少,阿肥仔掌握燒烤時間都好好,燒出來啱啱好,只是和牛的味道唔係咁理想,雖然有海鹽調味,嚿海鹽好難"磨",成嚿粉晶咁,唔知係咪好多人"摸"過呢?碟牛舌就好好味,我地叫多碟,而豬肉味道都唔錯,只是太薄了,一人兩片,食落肚一陣風咁!所以都要食炒飯頂肚!食完飯我地再去發記食糖水,果晚Karen回家後發燒,公司驚佢豬流感,叫佢放左一個禮拜假,其實佢第二日已經好返,足足悶左成個禮拜呢!
沒有留言:
發佈留言