這幾天都有唔同飯局,前日就去左大圍新强記,我上次去大圍係同細傑食茶餐廳,今次去呢間新强記,位於火車站旁,都好就腳,呢間"酒樓"好有舊式酒樓feel,店名加左燒鵝兩字,應該係燒鵝最好,不過,我地無叫燒鵝,反而叫左燒乳鴿,我地得2個人,食鵝可能太多,而且我地想食炒蟶子同蒜蓉蒸蝦,同埋豆苗,所以細隻D就啱喇!不過D乳鴿唔係特別好,都係一般水準,反而蟶子就唔錯,豆苗更加唔使講喇!
食完飯我地行去坐火車,旁邊的幾座住宅大厦,唔記得嘉乜野花園,我好鐘意呢種一落街就有商鋪同埋有得上落車既樓,好方便,依家D屋苑,要行老遠去商場,我上次病左要落街行好遠去買藥,真係幾乎暈低,將來機會搬,一定要揀呢種樓,不過可能要擇高層單位先無咁嘈!
沒有留言:
發佈留言