今日好熱,夏天終於來了.......行出街一陣已經成身汗,由佐敦地鐵出來行去南京街揾譚仔雲南米線,只係一個街口,都身水身汗,應該穿過裕華過去近好多,間鋪都幾大,可能d枱放得疏落,感覺空間好多,都係一般茶餐廳既格局,店員推介套餐米線,其實係一碗好大碗既米線,有整所有既餸,可以兩個人share食,$39都好平,但係我都驚食唔晒,但係散叫一餸米線要$20,每個餸$4,如果叫兩碗都貴過套餐,最後都係散叫算喇,另外再叫左客土匪雞翼,個雞翼都幾好味,米線就一般啦!
食完野去左朗豪坊,諗住買飛睇蝙蝠俠,不過買唔到飛,上去Starbucks飲野又無位.......走去睇叠啤牌,睇完去da dolce 食雪糕......好眼瞓......一早返左屋企sleeping......zzzzzzz
沒有留言:
發佈留言