濃湯滙、Doddle

今日有啲無聊，走咗去新蒲崗，因為之前喺網上睇到有間食濃湯米線嘅舖頭，好似幾吸引，所以就去試吓，舖頭位於新蒲崗嘅工廠區內，店嘅面積就唔大，我避開繁忙時間，所以都有位，叫咗佢哋招牌嘅究極金湯魚肚鳳凰盛，個名好似好勁，佢係龍雞湯，配料有雞肉、魚肚、蟲草花，我就加咗腩肉同芫荽山，芫荽都算多，但係未去到山嘅Level🤣 個湯真係好濃好好味，雞件都係啖啖肉，魚肚索晒啲湯都好味！唔錯！下次要試吓其他嘢先得！

食完嘢又去搵咖啡店飲咖啡，呢度雖然工廠區，但係食店都唔少，可能因為近啟德站，有大型活動嘅時候可能會有啲人過嚟呢度食嘢，而喺Airside 嗰邊返工嘅人好多都會喺呢邊叫外賣，行咗去雙喜街，呢邊真係比較靜，估唔到都有間咖啡店，咖啡店面積唔算大，座位亦都唔多，而且都好曬，不過佢有窗簾布遮一遮，嚴格嚟講大概只有10個坐位左右，一入門口擺咗幾個冰滴咖啡壺，仲滴緊咖啡，見到佢都有啲特色嘅咖啡，不過我想飲黑啡，所以就咁叫咗杯冰滴咖啡，佢都有少量嘅糕點，就叫咗一件香蕉蛋糕，咖啡都唔錯，蛋糕就一般，呢幾日天氣都好熱，溫度破晒紀錄咁高，飲完咖啡行返去Airside嗰邊凉吓冷氣🤭

 

TWO-AND-A-HALF STREET

今日天氣好熱，我哋飲完咖啡就行去西營盤，諗住想買雞公碗，行到身水身汗，搵到嗰間舖頭，見到啲價錢都好平，有個叔叔企喺舖外，問佢有冇手繪嘅雞公碗，佢話已經冇手繪了，全部都係印嘅，所以最後我哋都冇買到，因為天氣好熱我哋又未諗到去邊，所以又去附近搵第二間coffee shop坐下，去咗第二街同第三街之間嘅橫巷，呢間咖啡店都好多人，啱啱好有一張枱，不過呢間餐廳因為半開放形式，所以冷氣都唔係好夠，我哋叫咗一杯Cold brew，佢係樽仔裝住嘅，另外好友叫咗杯Americano，我就叫咗一個affrogato ，另外叫咗一件水果waffle，因為大家都好熱，所以全部叫凍飲！今個夏天大部份時間落雨，呢幾日唔落雨就熱到不得了🥵

我哋飲完咖啡決定去故宮博物館睇埃及展覽，佢哋未睇過，我就已經一早睇咗，因為展覽做到今個月尾，所以大家一齊去睇吓，因為其他展館都轉咗展覽，我都未睇過，所以一齊去行吓，又可以冇咁熱！😆

 

廿一由八cafe

食完拉麵，行上兩條街去山道搵coffee shop，去咗呢間咖啡店，位置都有啲偏僻，不過入到去都有三四枱客，我哋每人叫咗一杯咖啡，另外叫一件巴斯克芝士蛋糕share食，好友叫咗佢哋嘅special，蘋果冷萃咖啡同埋一杯手沖咖啡，我就叫咗杯冷萃咖啡，蘋果冷萃咖啡就麻麻哋，因為蘋果汁嘅味蓋過咗咖啡味，覺得咖啡好淡，我個杯冷萃咖啡就正正常常，都OK，而好友嗰杯手沖咖啡就等得比較耐，好有比較鍾意Nutty 一啲嘅口味，不過佢哋冇，所以用咗特別嘅沖調方法去減低佢嘅甜度，佢杯咖啡裝咗喺一個小樽度，另外俾咗兩個咖啡杯仔，因為兩個咖啡杯嘅杯型都係唔同，可以飲到兩種唔同嘅口味，真係好神奇，店員都有介紹呢一樣嘢，我哋坐到咁上下，差唔多到午膳時間，成間coffee shop爆晒，仲要等位添，估唔到位置咁偏僻，都有咁多客，可能就係因為偏僻附近冇乜選擇吧！不過呢間確實係唔錯，咖啡好飲蛋糕好食👍🏻

 

de Sang Bleu

上個月同好友喺IG見到呢間拉麵店，但係見佢暫時唔開，要等到八月，前兩日見到佢有update營業資料，所以我哋就上網預約，因為佢係預約制，我哋各自搭車去石塘咀，去到佢仍未開門，等咗一陣就入得去，裏面只有幾張四人枱，見有人Walk in佢哋話唔做，餐牌都好簡單，基本上有三款雞湯拉麵，主要都係雞湯加咗鹽味/醬油/鹽味黑松露，然後個湯底有濃厚同冇咁濃，所以變咗六款拉麵，另外仲有今日特別口味蠔和蜆，我哋對黑松露冇乜興趣，所以就叫咗鹽味濃厚雞湯、醬油濃厚雞湯、蜆和蠔湯，因為麵同埋雞肉叉燒都係一樣，佢另外仲有啲配菜，我哋就冇加到，因為一陣仲要去飲咖啡！

我哋期望都幾高，因為山長水遠，又要預約，不過老實講質素係唔差，但係亦都唔算係好好，大家都覺得唔值得花咁多時間，搭咁耐車過嚟食，除非你喺附近住，就一試無妨😅加上個侍應好似係暑期工，講嘢比較掘，我哋想要張凳嚟擺嘢，因為我哋拎住袋嘢，我哋三個人坐一張四人枱，有一張凳係拎走咗，見到擺咗喺側邊，所以我哋先至問佢攞張凳，佢話張凳污糟喎，問佢有冇第二張，佢話有第二張但係爛嘅🤦🏻‍♀️ 總之就係令人覺得佢搵藉口唔想攞俾你，最後佢都攞咗張佢所謂爛嘅凳俾我哋，跟住見到隔籬枱個客唔知問佢乜嘢，佢話唔得㗎喎！語氣唔係幾好🫢，跟住埋單嗰陣，拍完咭等咗好耐都冇出返張單俾我哋，然後行咗去，個廚師都忍唔住出去睇吓佢搞咩搞咁耐，最後係廚師幫我哋攞埋張單，到走嗰陣都見唔到個侍應出現，呢一點都係好趕客嘅地方🫣

 

蜘蛛俠-英雄重生 Spider-man Brand new day

自從Peter Parker從人們的記憶中消失後，Peter 繼續以蜘蛛俠嘅身份幫助警方，但係Peter孤軍作戰，非常想念自己心愛嘅人，可惜好朋友Ned 和女朋友MJ都忘記了他的存在，他亦會忍不住接觸他們。
在Peter協助警方的同時，他發現有一股神秘力量，能夠侵入不同的人身上，有人將這股力量亦嘗試入侵Peter，但發覺無法侵入，但發現到Peter的記憶，知道佢心愛的人是MJ，所以用MJ來引Peter出來。。。。！

今集嘅蜘蛛俠係最感人嘅一集，因為Peter不斷回想梅姨及MJ的感情，非常想念她們，而自己卻要孤獨生活，而另一新角色Jean ，亦都有好深的姊妹情，兩人同病相憐，非常傷感！
 

文記車仔麵(Food Atlas)

最近尖沙咀海港城嘅food court 重開，搬咗上去city‘super 樓上，改左個名叫Food Atlas ，食店嘅選擇都幾多，而且見到好多人食，我揀咗食車仔麵，呢間車仔麵應該係深水埗長龍店，之前因為佢成日排長龍所以冇機會食，呢度就唔使排隊，用自助點餐嘅方式落單，揀咗幾款餸，雖然冇乜人，但係都要等，其實我見到個麵餅一早已經淥好咗，只係冇人去夾啲餸落個麵度，過咗幾分鐘先至有人去做呢樣嘢，食物嘅味道都幾好，個人認為未至於要排隊食，當然深水埗可能平D所以多人食，而且其實好多地方都冇車仔麵食，就以尖沙咀為例，我諗除咗呢度都好難喺海港城搵到第二間車仔麵食！佢呢度全部食店係半開放式廚房，睇到佢哋衛生做得麻麻，例如落單紙浸住落碗度，擺喺出面的自助嘅調味料同埋辣菜甫，有啲打開晒蓋，或者倒到一枱都係，都冇人去清潔😅好彩食嘢嗰邊嘅枱上高都有調味料，嗰邊就乾淨啲，下次再去試吓其他食店🤭

 

The Odyssey IMAX 奧德賽

在木馬屠城的特洛伊戰爭後，Odysseus和他的部下一直下落不明，在他們失蹤了二十年，他的兒子Telemachus 已長大成人，而他的母親Penelope 一直被求婚者追婚，目的要奪取Odysseus 的皇位，當中包括了Antinous，他想借故令Telemachus 殺人而令他被流放，Telemachus 決定去尋找父親的下落，與此同時，Odysseus 身處一個島Ogygia，與Calypso 一起，他對家人及部下的記憶漸漸清晰，開始記起之前的事，決定要重返自己的家。。。。！

呢套戲因為拍攝嘅時候係用IMAX去拍攝，所以喺戲院都要睇返IMAX版本，所以要提早差唔多一個星期就要買飛，否則買唔到中間位置，佢好似有4DX版本，不過我諗有幾場戲應該都拋得好犀利，因為係講喺海上驚濤駭浪，可以想像到係會拋得好犀利😅，未睇呢套戲之前都睇咗好多影評，好大部份都係負評，當然大家對導演都有好大嘅期望，因為之前佢嘅電影實在係好創新及有深度，呢套戲如果唔係抱住好大期望有啲乜嘢好大突破嘅劇情，其實都幾好睇，中間都冇悶場，都唔覺得套戲有三個鐘咁耐，個人覺得選角好似爭啲，同埋好多演員嘅戲份都好少，當中有場戲好有千與千尋feel 🤣
 

麻吉灶咖(又一城）

自從又一城間H&M關咗之後，見佢將三層樓嘅舖位瞓返開，分別有開幾間食肆，呢間台式食店，之前在K11見過，但係從未食過，商場原本有一間茶木，執咗之後就變咗呢間係唯一台式食店，點入面唔係太多人，地方亦都唔算話好大，試左牛腩麵同藤椒牛肉拌麵，牛腩麵都係台式風味，都唔錯，拌麵叫咗中辣，但係我覺得唔辣😅 牛肉係牛腩，加咗一啲青椒碎，面係比較粗嘅波浪闊條麵，呢個都唔錯，飲品都係一啲台式嘅綠茶，分別試咗橙味同菠蘿味，我覺得菠蘿味好少少😆

 

蘇哥清湯腩(又一城)

之前呢度有一間茶木，而家又轉咗手，賣清湯腩，又去試吓佢，叫咗崩沙腩麵，另外試咗紫菜三寶丸麵，崩沙腩不過不失，正常發揮，三寶丸都正常嘢，依家先嚟講呢度算係較平，所以都算係咁！