又病了

昨晚在超市見到有新出的叮飯賣,之前沒有吃過這類飯,便買來試試,是一個榨菜牛肉飯,吃完飯還吃了橙及蘋果,到零晨時已覺得很痛,上星期才因腸胃炎病了兩天,又再來了,嘔吐和瀉了幾次後仍很痛,上次瀉清後便不太痛但今次卻仍很痛,心想不是盲腸炎吧?要等到診所開門還有幾小時,去急症室可能也要等幾小時,還是致電給亞So送我去了QE的急症室,雖然人不太多,也要等了大半小時,醫生給我開了止痛藥和打了止嘔針,即時好了點,還能夠自已上樓,吃藥之後便昏睡了.

四時許醒了,吃了醫生給我的營養粉,再洗米及浸了米來預備煲粥,仍感到有點累,又睡着了...........到七點才醒來,肚子不再痛,好多了,便去煲粥,家裡只有腐竹和果皮,就用來煲粥吧!之前看書蘇絲黄話煲粥要用大火開蓋煲才會綿,也就試試吧!可能水不夠,煲出來有點杰,也夠綿,只是腐竹皮有點黐底.

八達通手機繩

下午去了媽媽處喝蟲草湯,很好味,媽媽說蟲草又漲價了,所以她再多買一些,以免遲些再加價了,她說朋友的丈夫得了食道癌,醫生說他最多只能活多幾天..............還是那句.........健康很重要!

之後去了尖沙咀那個叫 gi 的新商場,聽說是星爺開的,之前見雜誌介紹過,我見有八達通手機繩的介紹,便來看看,現時用的那個啡色皮革型八達通手繩已用了幾年,覺得八達通做成手繩很方便,而這個的設計很漂亮,用上了施華洛世奇水晶,雖然價錢貴了點,不過一個價錢可買三樣野,包括八達通,手鍊和匙扣,用來送禮很不錯.我見這商場(其實地方很細)主要是賣潮流飾物,我在一間小店見到我昨天買的耳環,一模一樣,只是貴了60%???

前兩天買了兩個金星蘋果,質地好"粉",味道像一個加了啤梨汁的蘋果!!幾得意!

巴別塔

看過電影介紹後,很期待看這電影,只見海報的"大頭"相是畢彼特和姬蒂白蘭芝,當然是故事主線,畢彼特今次不是賣靚樣,和之前的角色很有分別,至於"細頭"相的加爾卡西亞般奴戲份並不多,反而日藉女演員Rinko Kikuchi (在海報上沒有她的名字,戲中角色叫惠子),不單戲份較重,更全裸演出,此外,摩洛哥的三父子演得很好,電影拍得很好,值得一看.

搭橋手術

晚上約了Alan, Iva同埋 Ken 去觀塘探 Simon,他剛做完搭橋手術幾星期,他看起來精神不錯,那個大肚腩消失了,但看起來有點倦,聽他說起手術過程,真令人毛骨悚然,他說,醫生講解手術的過程是這樣的:
先要决定在他的大腿切一條血管出來,抑或在手臂切出來,醫生建議在大腿,因為怕影響日後手部的活動能力,然後要劏開他的胸膛,切開肋骨後將心臟血管切開,連到一個人工心臟,讓心臟繼續運作,將有問題的血管切掉,就在此時將大腿切出來的血管接駁到心臟,再電心臟令他重新運作,再將肋骨用金屬圈之類的東西鏠合,最後縫合傷口.................他說在手術室推出來,感到很痛,雖然有點迷迷糊糊,但仍聽到醫生護士的說話,在他離開手術室四五小時後,發現有內部出血的情况,醫生立即將他推到手術室,再開刀,止血後再推出來,然後又發現出血,又再次開刀,如是者傷口同一位置開了三次刀,好慘呀!!!!!他說在第三次入手術室時,在未痲醉畤,他聽到醫生問護士通知了他太太未?護士說她才走了十多分鐘,醫生叫護士告訴她要立即再替他開刀等不及她回來簽紙了,Simon說他當時心諗,死啦!今次係咪玩完??

聽到他這麽說,真是替他擔心,今次真的走出鬼門關了,他說鄰床的同類病人,有些很年輕,亦不是肥胖型,主要病因是吸煙,他在知道有此病後,便立即戒煙,他說如病人不立即戒煙,醫生便不會替他開刀,他還告誡Alan快些戒煙,別恃着自已年輕便掉以輕心呢!所以政府禁煙是對的.

離開Simon的家後,我們四人一起吃飯,吃了煲仔雞粥,很好味呢!很少有機會吃到,之後我乘地鉄回家,和Ken談了很久,和他做朋友比做他下屬好得多,一路上我在想他說的話,都有點啓發......................!

在袋子找到今天買的朱古力,吃了一顆,細味着朱古力................細味着過去的事情!

海猿第一擊

頭先睇完電視海猿第一擊,睇左下半段,d人物性格同戲情發展好"日本",都諗到結局係點,同一般既日本片差唔多,不過d海底拍攝都好認真.
天文台話呢兩日會好凍,我覺得唔係好凍,不過都想食d熱辣辣既野,於是煮左d上海麵同水餃食,清清地都ok,前兩日煲既海底椰湯幾work喎,飲完無咳又無痰,等Sunny既傷風好d,煲番煲大家一齊飲吓先!
睇財經透視,話訂做西裝最貴要50萬,那個意大利老闆話穿起他們的西裝會令人到穿的人生活得很好,當然啦!這麽貴都買得起,碧咸都係佢d客喎!

緣份精華遊

昨天看了這電影,這類愛情小品,都頗能感動我,一心想看Kate Winsley ,只是她的那段感情戲拍得有點虎頭蛇尾,末段有點草率,然而她的演出仍很有感情!

今天肚子好多了,晚上原想和阿天,阿坤去看滿城盡帶黄金甲,卻又買不到飛,和他們在商場行左一陣,阿坤想買件褸,但揀唔啱,之後我地去左火百合食京川菜,叫了蟹粉小籠包,片皮鴨二食,和炒年糕,片皮鴨第二食是炒肉蓯配义子燒餅,每次去翡翠都會叫,想不到這裏也有,記得阿孫好鐘意食,即刻影張相,諗住明天比佢睇,激吓佢,點知阿天即刻就send比佢手機,重要加句好好味,真係激到佢死!有得睇無得食!哈哈!

面膜

請幾天上網都很慢,都寫不到網誌.........這陣子同事們都愛喝湯,因為出了一款用電的高速湯煲,大家都說要試試看,聽說一般只須35分鐘便煲好老火湯,我還是用明火煲,待試過電煲才決定是否買吧!前兩天煲了螺片湯,好味!



前日在屈臣氏見到之前買的旁氏面膜正在做特價,原來的$118五片,現在只須$82.6還有十二片呢!和同事急急入貨,在今期的新地有產品比較,這牌子表現不錯呢!

















昨晚半夜肚子痛得很,可能是腸胃炎吧!一早起來嘔吐大作還肚瀉,肚子很痛,無法站立,站起來不夠10秒已全身冒冷汗,還感到天旋地轉,記得之前醫生說過盡量把不潔食物吐掉或瀉掉會更好,吐了幾次後便昏睡了,睡醒後卻又好了很多,還可外出走動!奇怪!
我還把那條織給兒子的頸巾完成了!

聖誕餐

已有好幾年沒有食聖誕餐了,這幾年都沒有外出慶祝聖誕,不想去人多擠迫的地方,記得以前最愛和姊姊去"碰運氣"在沒有預先訂位的情況下,去各酒店揾位食聖誕buffet,每年都總會揾到!!!!

昨晚嘉嘉打電話給我約我和亞孫午膳,到中午仍找不到她,大概她昨晚渴多了吧!到晚上還找不到她,我和亞孫便出旺角邊行街邊等她,原想到板前吃壽司,但太多人了,要等110張籌才到,便到別處看看,間間都很多人,最後去了Delifrance吃聖誕餐,我叫了客羊膝,有點羶,亞孫的小龍蝦帶子意粉,那些小龍蝦好小,好像蝦米般,那餐湯和甜品的味道不錯.

吃完飯想去睇黄金甲,但係買唔到飛,唯有下次才去,在新の城行左一陣便分道揚鑣,在街上我遇見阿雯的前夫,他裝作見不到我,我也不便和他打招呼了.

我再去了7-11買藥,之前買的那盒藥力不夠,傷風只好了一點點,改了另一隻分日夜的傷風藥再試.回到家裏,收到媽媽的電話,說明天煲蟲草給我,我說我傷風,她說:你收工???我話係傷風唔係收工,佢話傷風就唔好飲住,遲幾天才煲吧.

糯米飯

上次去媽媽屋企見她煮糯米飯己經好想食,昨晚乘不到小巴回家,改了坐地鐵,在地鐵站外有糯米飯賣,即刻買碗食,熱辣辣!!!!!好味!!!

今晚約左幾個舊同事食飯,主要替Andy 慶祝生日,原先想去泉章居,但係勁多人,就轉左去稻香,一樣咁多人,等左半個鐘都未郁過,改左去一間叫避風塘的食店,環境唔錯,食物都OK,那個汽水杯好特別,像個小小的Jug,下次可以再去.

席間,大家都談起公事,阿天同佢太太忙於照顧他們二個月大的BB,加上離開太久了,話題都不太啱,而一向滔滔不絕的Danny,依舊沒有停過口講話,Samuel依舊滿肚牢騷,Alan 不見一排,面色好了點,雖然我知道一些人事變動與他們有關,但不想他們太憂慮,還是不說吧!

訴苦

今朝收到 Suki 的 SMS 約我一齊食晏,本來想打比佢 confirm ,但係驚一講就收唔到線,都係send 返SMS比佢,就係佢send來send去,至約左三點鐘.

好多野想同佢講,訴吓苦咁,講吓其餘幾個friend之間出左d問題...........就响佢到步時就撞見廖生,見到佢就覺得好稀虛!!!!!

跟住同Suki去左EXP食飯,都好耐無去啦,我地叫左個pizza,都好好味,佢話今晚公司X'mas dinner 有獎抽,希望佢抽到部電腦啦!我就係咁訴苦,學佢話齋"呻到樹葉都落埋!"咁就呻左個幾鐘啦!!!!!!!!!!

茼蒿

今天在超市看到這種叫茼蒿的菜,菜身有點像韮菜花和菠菜,菜葉像唐蒿,大概是同一科的植物吧!還買了一些澳洲有機牛肉來炒,味道不錯.

在超市還看到有"冰鮮"蛋糕,是零下温度泠藏的,不知味道如何?還有很多選擇呢!

天氣轉泠了

今天竟下起雨來,天氣該開始凍了,還是到商場這些室內地方走走,在朗豪坊見到這名為天空之城的聖誕裝飾,晚上看起來會更漂亮,不知怎的,商場有很多空置的店鋪,大概生意不理想吧!!

還有些由中學生做的立體聖誕襪,用唔同主題去設計的!






之後去了吃章魚小丸子,記得第一次去日本大版第一天到埗後,到酒店附近見到街邊有車仔檔,賣的正是這些章魚小丸子,裏面的章魚肉很多,很好味,那時在香港沒有賣,所以覺得好特別!在香港吃不到很多章魚餡料的小丸子!

蒜蓉喼汁雞翼

今朝開完會同d同事食晏,响茶餐廳個電視睇都市閒情示範既食譜,只睇到一部份,都試吓煮,落左喼汁都食唔到酸味,可能要落d糖先做到酸酸甜甜既味掛!同埋灒酒時重手左,不過味道都OK,因為落左蒜蓉,乾葱頭,葱爆左一陣先煮汁,還是較喜歡青檸辣椒雞翼多d!!

姊姊告訴我RTHK 個美味DIY網頁,多左中菜篇都幾好,得閒試吓先!

炒年糕

前兩日响超市見到有年糕片賣,已經想試下煮,不過唔知用乜煮好,上次去翡翠食既炒年糕,記得有肉絲同埋菜,所以買左瘦肉,無買菜,費事食唔晒,之前未炒過,都諗緊點炒好,想起屋企有本食譜好似有教,就參考一下,自己再改一改調味料,中途要加少少水煮一陣,我顧住睇電視,剛剛睇到Yumiko表演空中飛人時,甩褲嗰幕,好慘呀!當眾甩剩條 T-back !!!!!!!!!!女仔黎架 :( 大庭廣眾!!!!!!希望佢冇事啦! 睇完之後先想起d年糕,好快乾左水,差d燶,有少少黐底添!!!!!!!不過都幾好味喎!!下次下返d菜先.

翠玉瓜煮雞翼

昨日睇Annie教煮雞翼鮮筍煲,諗住今日試,點知買唔到鮮筍同埋磨豉醬,行左兩間超市都無,改左用翠玉瓜煮.

行行吓收到Alan電話,佢話Simon今個weekend入醫院做搭橋手術,希望佢無事,媽咪叫我今年唔好去醫院探病,我都唔敢去.

今日睇報紙見有人話apm嗰d仙女好似吊左d XX咁,同我諗法一樣,令人不安,商場真係要諗諗計先得啦!

烏冬

上次去apm揾唔到Ronald講果間烏冬食店,今日去揾,就揾到間叫赤X丸XX所,唔記得名!見到門口有餐牌,見多數係烏冬,應該係呢間,入去叫左個牛肉烏冬,味道無乜特別,個侍應仲會忽然响個bar度伸手落黎收碗又唔出聲,真係比佢嚇親,走時問個侍應係咪出去比,佢可能聽唔清楚,反問我想要d乜,不過語氣同態度唔係幾好!!!!!!今時今日咁既服務態度.......d野食又麻麻地,以後唔會再去!

見商場個主題係好多仙女既,有d仙女吊响半空,我覺得有d令人不安,遠睇唔多似仙女,好似吊左d.............!!!!!!!!>.>"



行左一陣去左Starbucks飲野,見有d新餅出左,不過d餅邊包得不好,一pat野咁,都係要tiramisu好d.



夜晚約左Eva,Joe, Samuel同埋康仔去食野,响旺角嗰間日X食,唔記得個名!任食果d,有埋火窩食,今個冬天第一次食火煱,一路食一路講公司d野,唉!大家都覺得公司越來越退步,有人仲形容依家既公司好似清朝咁腐敗,仲要面對八國聯軍,但係我地個亞頭仍然好似慈禧太后咁,遲早會沒落!!!!!!!!!!!!

金菇牛肉卷

昨晚睡得不太好,精神有點緊張,可能近日工作有點壓力吧!還是好好吃一餐吧!

在超市行了一會想不到煮甚麽好,看見有專放火煱配料的雪櫃,有各式湯底賣,有小肥羊,譚魚頭,都好想打邊爐,揾日約埋朋友食返餐先!見有牛肉和金菇,就試試整金菇牛肉卷,把它包得細細個,中間會易熟些,在煎的時侯那些金菇出了些水,令它煎起來較濕,較大些火令它乾身點,再加些燒汁,唔............簡單好味!!!!!!!!

燕窩

今天起身便去媽媽的家吃燕窩,一碗滿滿的燕窩,還有菜乾豬湯,媽媽看起來有點累,她說剛睡着了,前兩天姊姊帶她去看醫生,她說這個醫生較好,現在每天只需吃一次葯,還有姊姊的奶奶由加拿大回來了.

喝完湯去了massage,上星期已經想去,只是book不到Irene,兩邊肩膀很硬,很需要按摩呢!做完massage買了些body cream,天氣開始乾,皮膚立即變得乾燥,需要滋潤一下.

原想買鞋但不太合心水,在世貿行了一會,門口的聖誕裝飾掛得高高,挺漂亮!還去發記吃了個甜品便走了.

煎羊扒

這幾天都想煮食,只是沒有時間,也想不到煮甚麽好,原想買牛柳,卻只有肉眼和西泠,見有羊扒賣,心想從沒有煮過羊扒,便買來試試,還買了些做沙律的菜和橄欖油.

像煎牛扒一樣去煎,也擔心會羶,但煎出來幾好味,沒有羶味,加了點日式燒烤醬,好味道,想開支紅酒飲,忘記了開餅器放了在那裏,也懶去找,還是下次才飲吧!

吃完後,媽媽打電話給我,說要明天拿燕窩給我吃,我不想她走來走去,我叫她星期四才燉,到時去她的家喝吧!也可和她喝茶呢!

國貨

早兩日睇蘋果日報介紹國產的護膚品,見它價錢便宜,又能通過日本厚生省和美國FDA檢測,亦有20多年歷史,而且是給軍人在寒冷冬天用,便去裕華國貨公司看看,已很久沒有去佐敦了,仍是那個模樣,去到藥房那邊,很多人,見到那些血燕棧,上次買的時候是$1400両(5年前了!),現在漲了價要$1680両!見到那些參茸都想起藥材雞湯,好想飲!

在護膚品那處的當眼位置,已放滿了那款迷奇"神奇美容液",原來很細瓶只有40g,像細瓶的雪花膏,便買了一瓶試試用在極乾燥的小腿上,看看是否有效保濕. 見到旁邊有當歸洗頭水,標榜去頭皮,正合冬天乾燥天氣用,看看售價,才$15元特價!!!!!!反令我卻步!正懷疑是否無人買才賤價清貨!就有個sales姐姐走過來,叫我買旁邊那支101洗頭水,賣$60!看看盒上的成份,全是中藥,當然首烏是主要成份,其實自小已感覺國貨是價廉物美質高,好像棉襖,羊毛衫等,只是近年的黑心棉,頭髮豉油等嚴重打擊到我們的信心.......我見價錢不貴,亦好像聽過這牌子,便買來試試,她又介紹了同一牌子的烏絲素,之前想買維特健寧的烏絲素試,買是先試試這個吧!她又說買兩瓶就送洗頭水!!!!!!!那就買2瓶吧!那Sales還很好態度呢!在等開單時,見有些三蛇胆膠囊之類的產品,不知是否對喉部不適有幫助,那sales姐姐開了其中一瓶給我看,裏面是三個用液體浸着的蛇胆呢......>.>'''

再到樓上行了一會,記得以前很喜歡看那些陶瓷器,覺得很漂亮,現在仍有很多呢!還有水晶賣,都是一般款式,在女裝部見到一些背心/披肩fur,好漂亮,那些寫着狐狸毛的背心,減至二仟多元,不知是否真fur,該沒那麽便宜吧!

再去地庫的超市看看,見到很多沒有見過的食物,也有小時候常吃的,金絲糖,麥芽糖,南棗糕,我買了些辣醬和麥芽糖,下次做麥芽糖夾餅吃!

炒雞什

落左兩日雨,個人好悶,想買生日禮物比亞孫,唔知買乜好,又驚佢唔鐘意,明天才算吧!

晚上到超市買餸,不知煮甚麽好,見到有雞什賣,幾鐘意食腎,見佢$4包,便買來試試,再炒些青瓜吃,我從來沒有煮過雞什,我怕不熟,煮了很久才吃,味道還可以的,用手機拍的照片總不及相機,下星期才有機用呢!

零食

午膳時和阿孫去了元氣吃壽司,當替她預祝生日,全場只有三枱客,我還是第一次坐卡位,吃完壽司還了個楊枝甘露芒果蛋糕給她,雖然是有三個人唱生日歌,她還是很開心.



晚上約了幾個舊同事去銅鑼灣的泉章居吃飯,已很久沒有去了,那處有2間么鳳,去買了些零食,話梅,花生,糖子羗和元肉,買完卻找不到泉章居,原來搬了去銅鑼灣廣場一期,那處裝修過,沒有以前那麽混亂,上到去,裝修新淨,比起舊店當然好得多,只是同一班伙計,仍是以前的態度.....拋碟!不是將碟放在你面前,而是拋在你面前,食物和價錢還是差不多,可能落雨關係,不是太多人客.

聖誕快到了

尖沙咀的燈飾亮了燈,怎麽時間過得這麽快,又到聖誕了!

到尖沙咀行了一會,因為相機借了給同事去澳洲,只有用手機拍照了,很不習慣呢!拍出來也不太理想呢!

原想去買Con卻經過眼鏡店都忘記了!又想選份禮物給亞孫下週做生日禮物,還是選不到! 她的口味總是怪怪的,不知她是否喜歡,她一時說不喜歡Hello Kitty,轉頭又興奮地給我看她的Hello Kitty手機繩!!!>.>"買不成禮物卻買了幾個麵包,見這個蘋果餅看來不錯,便買來吃,只是那餅店用了很膠袋,頗為浪費呢!

第一次做 Cookies

今日一早起左身,打左電話比家姐,一傾就個幾鐘,跟住落街買野,行行吓,我嗰對响 a+ab買既人字拖凉鞋,越行越鬆,我咪拿拿聲返屋企囉,點知未到就斷左中間條帶啦.....@#$%&?! 激氣!!好在可以綁住條斷帶行到返屋企!

返到屋企就預傋整cookies同埋跟都市閒情個Annie整沙薑雞煲.......先做餅,跟日嚐甜品做牛油曲奇,食譜係將自製 strawberry jam 夾在兩片曲奇之間,我改左加提子乾試吓,都唔難整,係打牛油時,d 牛油走晒入個打蛋器支beater裏面!攪完麵粉團要放入雪櫃雪半個鐘,就响呢個時侯整沙薑雞.

預先用沙薑粉醃雞,然後才煮,吃起來不太有沙薑味!味道還可以的!

天星碼頭最後一夜

中環的天星碼頭要搬了,原想下午乘小輪懷念一下,但係太多人了,加上海港城正預傋聖誕裝飾,封了半條樓梯,令尖沙咀這邊的天星碼頭水洩不通!我唯有去海運的停車場,用我那部儍瓜機,離遠(好遠)拍了張照片,希望在電腦能 zoom 到個鐘樓嚟睇啦!

今天是假期的關係,Faces那處很多人,我可隨意試那些化妝品,因為想買野既人都冇人得閒招呼,正合我不打算買野但係又想試的人,試完我有興趣的化妝品後,下次便知買那一種了,待家裏的化妝品用完先吧!我見有些太太在試指甲油,其實不是在試,而是在塗,也無人理,我倒不好意思呢!最多人的counter是Bobbie Brown,有幾個counter是完全無人,有些counter已經出了聖誕禮盒呢!

行左一陣已經好倦了,原想去仙跡岩喝杯東西,卻要等位,我路過LGB (LBG???唔記得個名)見有位,同埋佢地唔止得一種餅(唔記得個名!)重有d pie同埋tart,我選了Mango Tart同埋Rose味既X餅(唔記得名),一杯凍朱古力,個rose餅真係好甜,亦都食唔出有rose味,但係個 mango tart 幾好味喎,我唔你咁鍾意食tart嗰層厚厚既邊,但你呢個邊唔太厚,成個tart幾層既味好夾,面層芒果中間有吉士同埋朱古力,唔太甜,好味!







食完去左Sogo行,我都係第一次去尖沙咀Sogo,感覺麻麻地,好靜吓,同CWB差好遠,行左一陣就返屋企煲湯,用南瓜豬煲螺片,好甜,唔使落鹽!

蛇羮

今天走了做massage,原來已經成個月無去,個肩膀硬晒,平時用手指鍊d位好似硬到錬唔到,鍊到人地手軟,要用手掙借力先得,做完massage去左RMK同埋Laneige試佢地新出既調色底霜,RMK嗰隻就好似雜誌所講,佈滿微細閃亮粒子,好有光澤,但係遮瑕度低, Laneige 嗰隻就比較啱我,轉頭再決定!
之後去左滿記食甜品,榴槤飄香同埋焗酥皮香蕉卷,yummy!!!!!!!




响東角行左個圈,响碧璽店見到條18m既頂級圓珠紅紋,好靚呀!!!!!!!!!!!標價$36888!!!!!!:p 我之前跌爛左條黑碧茜,所以買左條手串.



去返Sogo買make up base,都係買左Laneige,佢地既product 好似幾好口碑,重要係價錢平d.
行左一陣已經好累又肚餓,去左蛇王二食蛇羮餐,熱熱的飯,熱熱的蛇羮,食完好............熱!!!!!!!!

烤番薯

昨天約了姊姊去媽媽的家喝湯,很美味的蟲草湯!
媽媽說她想把現居放盤,只是價錢問題.

喝完湯去了樓下的酒樓飲茶,坐了差不多一時都未有位,我便到附近另一酒樓看看有沒有位.

那處有很多位,便轉到那處飲茶,我們好像從沒有這樣飲過茶,媽媽說起她和爸爸是怎樣結婚的,我們小時的事等等,說起了嫲嫲,倒令我有點迷茫!一直以為嫲嫲為我們積福,看來並不是.

今天悶悶地,到商場走了一轉,之前在雜誌看到介紹一款Foot cream,想買來試試,只是怕成效未如理想,還是打消了念頭,在樓下見到烤番薯和栗子,便買了來吃,好warm的感覺.

大閘蟹

今天起床時,頭很痛,吃了一粒止痛丸,盡可能都不吃藥,因為止了頭痛後又會胃痛,今天實在很不適才吃藥,不過今次吃完無胃痛,可能比平時吃少一粒吧!

下午的電視沒甚麽好看的,正在播帝女花,是雛鳳早期的那套,很久沒有看這些粵戲,不過她們真的表現很精彩,七情上面,很認真的表現,想想現在都沒有很出色的較年輕的花旦了!

看完電視到商場走了一圈,怎麽星期日的商店都那麽少人,見到一間運動服裝店的櫥窗裝飾很有趣,是兩人在雪地走路,令我想起 The day after tomorrow 其中一幕劇中兩人在鋪滿雪的 New York 市上走路一樣.



相約了同事一起買了一籮大閘蟹,$2700元有24隻,我要了兩隻,行完街去攞.路上遇見傑,不見多時,他去了做商場security,他看起來老了點,我諗佢同我一樣咁諗!

個兩隻蟹還算OK,都幾大隻,差不多七両重,薑茶乜很好味呢!

做蛋榚

昨晚在家做芒果脆脆蛋榚,預傋材料時才發現牛奶已過期,唯有不落奶試試,脆脆也過期了............!唯有夾小一層脆脆,只夾蜜桃片,開了那罐蜜桃片見它怎麽這樣細個,像雞蛋小一點,才發現罐上寫着Apricot !!!!!!!!!!!!

唉!今天收工去買材料,看見超市做日本食品節,見這蛋榚好像不錯,買一個來做早晨,明天試試,買完材料回家再做,才記起沒有把甜忌廉放在下格,唯有先做餅和脆脆部份,明天再做装飾吧!

今天老細叫我放吓假,我想月尾放,但係佢要我先在下週放幾天,再看怎樣吧!或許三五天吧!也很累呢!