今日去睇展覽，五月已經推出咗呢一個展覽，呢個展覽係免費嘅，不過估計初初推出嘅時候會比較多人，所以過咗一排先至去睇，人就唔多，不過有一班好似國內學生咁嘅團體參觀，所以有一班人同時出現就好似好多人，佢哋一走咗就冇乜人，展覽圍繞着講蒙羅麗莎同達文西嘅資料，亦都有講解呢幅畫嘅畫工，亦都有介紹達文西嘅人生同作品，另一個展廳就介紹文藝復興嘅部份藝術品，展館就唔係好大，主要都係展出一啲複製品，所以好快都行晒兩個館！
行過對面仲有個展館，係香港電影幸會25歲，主要係展示一啲得獎電影嘅獎座、戲服等，亦都有一個影相位，係可以同電影海報嘅角色影相，最多人揀當然係賭聖🤣 仲有一啲比較懷舊嘅場景可以影吓相！
落返樓下會有個金庸展覽，介紹返金庸嘅小說，睇埋呢個，再行埋佢間商店，我就走喇！
沒有留言:
發佈留言