一早Book 左枱，7:00 前去到未有客，我地八個人，所以比左間房我地，呢度係可以先食一個羊腩煲或者雞煲，然後打邊爐，因為我哋有兩個爐，所以揀咗一煲羊腩煲同一煲雞煲，然後先再打邊爐，呢度每位送半隻龍蝦🦞，羊腩煲個味道都OK，雞煲就揀咗小辣，雞肉麻麻哋，本身隻雞比較瘦，冇乜肉🤣 火鍋就叫咗個清清地嘅蕃茄薯仔湯底，配料都係牛肉為主，牛肉就普通，任食火鍋嘅質素，其實食完個羊腩煲都好飽，其中一個好友食食吓唔舒服，冇乜食過嘢，所以有D嘢都食唔晒，好浪費🤦🏻♀️ 最後食雪糕就個個都食得落，甜品真係另一個位，三百幾蚊嘅價錢嚟講都算OK，不過對我哋九龍人嚟講就太遠了！
沒有留言:
發佈留言