今日瞓晏少少，先搭車去梅田，在梅田轉JR 京都線，9:55 由梅田出發 10:37 就到京都，過往都係搭去衹園四条，去花見小路、八阪神社、清水寺等地方，今次去京都駅呢邊，上次因為有祭典，好多人，交通好亂，好多地方去唔到，今次冇咁多人，可以慢慢行吓，不過今日落雨，所以條街都唔算多人，去到京都站，在車站內的商店行左一陣，行出嚟就見到京都塔，上次同好友去過京都塔附近一家餐廳食飯，今次都有經過，先去食個brunch，同事介紹一間在伊勢丹百貨公司內的壽喜燒，店名叫モリタ屋，上到去11/F ，見佢已經開左門，都有幾枱客，呢度D位多數係向窗兩人平排坐位，或四人卡位，我坐兩人位，望住京都塔，可惜天色唔係太好！呢度除咗壽喜燒，亦都有Shabu Shabu、鐵板燒，我就叫左個特選set，有兩片牛肉、野茶，有穿和服的侍應幫你煮牛肉，佢地先用肥膏起鑊（pan)，再灑D好粗粒糖，然後先煎牛肉，肉質同味道都唔錯，野菜就自己動手煮，brunch 嚟講都好豐富！
先在 Hands (之前叫 Tokyo Hands) 行一陣，買左少少藥妝，買完要去對面大丸退稅，順便在大丸買 Fancl ，攪埋退稅，就去到錦市場，第一次去呢度，呢度係一條頗舊嘢飲食街，而且條街幾長，好多野食，但我唔肚餓，真係食唔落，所以只係行街，冇食野，不過呢度D野食好吸引！下次要再嚟行吓食野先得！😅
跟住行去新風館，今日特意過嚟食天婦羅，店名係天寅，上次路過見full 晒所以食唔到，今次再嚟，去到未開門，仲有幾分鐘，但係見店內冇人，唔知係咪返定係唔返？但係上網check過佢唔係休息，但係今日落雨，個商場好靜，唔知會唔會因為咁樣冇開，正常如果有人返工，應該準備緊食物，咁我繼續喺門口等到夠鐘，夠鐘嘅時候都仲未有人，諗緊好唔好放棄，就再等多一陣，突然就有人喺裏面行出嚟開門！我係唯一一個客，冇其他人等位，因為佢個招牌菜原隻龍蝦天婦羅，係限量售賣，所以我以為會好多人，加上周奕瑋曾經介紹過，上次嚟嘅時候都好多人，今次冇人，又可以包場🤣
行完街在烏丸御池站搭烏丸線去京都站轉車，轉返去JR 京都綫去返梅田，再轉御堂筋線返去難波！
酒店住後感：
今晚住Grids Premium Hotel ，今早已放低行李，酒店已經幫我將行李擺咗上房，呢間酒店舊年住過，當時平D，依家貴左$200 一晚，酒店比較新，房內空間亦較多，一入門口就係廁所，跟住有一道門，門後係睡房，亦都係有一張梳化仔，算係有返D空間！
沒有留言:
發佈留言