Omotesando Koffee

今日放假無無聊聊，出咗去尖沙咀，諗起在K11 Musea 有間coffee shop，之前想去但係冇位，最近突然間諗起佢，所以今日去睇吓有冇位，呢度嘅座位好少，大概只有十幾個位，但係只有5張枱，有一張係六個位，用版隔開，其餘係二人或四人枱，啱啱好有張二人枱冇人，我就啱啱好有位，買咗份三文治🍞同埋杯咖啡☕️，呢度係用即棄餐具，估唔到杯咖啡都有拉花，真係唔打開個蓋都唔知，三文治就只有雞蛋，味道比較淡，咖啡幾好飲，係細杯咗少少，佢有大一D嘅份量，睇落好似好大杯，而家叫咗杯細嘅先覺得其實可以要大杯☕️

飲完咖啡，行咗出去尖東海傍，好耐冇黎呢度，見到竟然有雲吞麵檔，我諗主要做外賣，因為冇座位，側邊有兩三個企位，但係天氣咁熱好難喺度食熱野！🥵 喺度影吓相行咗陣就走，返屋企做個預約，去打針先！💉🦠