好友J月尾生日，相約 K同佢食咗生日飯先，去返上次尖沙咀嗰間 Poseidon 度度食，食飯之前一日我去K11 訂咗個蛋糕，因為我哋得三個人，所以唔想訂咁大個蛋糕🎂，見到呢間餐廳嘅蛋糕好細個，而且價錢都好平，最大嘅特點係你可以自己設計蛋糕個topping，當然要另外俾錢，不過都係幾十蚊，我揀咗個粉紅色嘅蛋糕，配左兩朶花🌷🌷，同埋一D玫瑰花瓣，店員幫我整埋上去個蛋糕度，仲加咗個生日牌，去到餐廳就先擺低，我哋在餐廳叫嘅嘢食同上次差唔多，跟住叫店員上蛋糕嘅時候，佢幫我哋裝飾到個蛋糕好靚，加咗D生果喺旁邊，成件事當堂靚咗好多，當然個蛋糕咁平，裏面嘅餡料亦都好少，佢本身係士多啤梨餡，係蛋糕同忌廉多個士多啤梨好多，基本上只有幾粒士多啤梨碎，不過志在吹下蠟燭慶祝吓😅
沒有留言:
發佈留言