又有生日飯局喇，壽星女話想食放題，又要在旺角區，所以嚟咗呢間，8:30開始入座，而家佢哋係用QR code落order，唔使好似以前咁一張張紙，環保D又簡單D，都係一個幾好嘅方法，不過我見到食物嘅選擇就似乎少咗，不過都唔緊要啦，最緊要我哋食嘅想食嘅嘢佢有就得啦！我哋叫咗D刺身，串燒，仲有D熟食，原本好友想食火鍋，但係佢想食果間訂唔到枱，先至改咗食放題，其實我已經食咗兩日火鍋，我都唔想再食，所以食放題都好，起碼唔使咁熱氣！呢度食物嘅質素就一般啦，座位就真係好迫喇，不過二百幾蚊一位，都算係好抵食！我哋一路食一路傾計，其實都冇見面三個月，好友又轉左工，去返以前間公司做，不過聽落佢好似有D後悔，既然都轉左都係做埋落去睇下點啦！再唔係咪返番轉頭囉！
沒有留言:
發佈留言