Manner

今晚同好友 F 和 J 食飯，原本想食日本野，但係冇位，改左去呢間我地一直想試的餐廳，上次好友生日想去，但撞正星期六社會活動，所以冇去，今晚去食都冇訂位，walk in 大把位，我地係第一枱客，之後只有兩、三枱！

餐廳位於一座舊樓內，只有三、四層，地面一層是售賣高級食材的，亦都係餐廳使用的食材，主要係扒類，亦有意/法食材、酒類、調味料等，我地在地面睇完餐牌先上去餐廳，要行一條在後門的樓梯上去，餐廳面積不大，約有七、八張枱，但枱都幾大張，仲有室外位，我地冇行出去睇，只係隔住玻璃望見，餐牌都唔多選擇，我地叫左一隻赤貝剌身試一試先，另外仲叫左燒牛舌，個赤貝新鮮爽脆，即時叫多兩隻，牛舌估佢唔到係切方粒燒，平時多數切片，可能佢夠厚，不過有小小羶，都ok 可接受！主菜叫左西班牙乳豬，同埋羊架，原本想食肉眼但係賣晒！乳豬幾好味，羊架就肥左D，另外仲有一個沙律，今餐係佢地同我補祝生日，原本要買蛋糕，但人太少，所以買左幾件細蛋糕，攞返屋企食，慳返切餅費！