今日收工同成班同事一齊去燒烤，仲叫左兩個已經離職的同事一齊去，佢兩個揸車過嚟，咁就揸車入去，有幾個自己入去會合我地，燒烤場位於西貢，旁邊有個叫做成豐片場的地方，位置相當之偏辟，好彩有車，雖然可以搭的士入去，但出去一定要 call 車，呢個燒烤場好靚，今晚冇其他客人，只有我地一枱，所以變左包場！食物方面，有三個餐選擇，由$280 起，我地叫左最平經典餐，即刻得肉類，冇海鮮，其餘兩個餐有唔同既海鮮！我地一到埗就捧左一大碟肉比我地，有牛扒、豬扒、雞扒、金沙骨、豬頸肉、雞翼、雞腎、腸仔、蒜蓉包、棉花糖，仲有蕃薯、粟米、雜菜、秋刀魚、茄子，都好豐富！食物可以再添，我地只係加左蒜蓉包同腸仔，D肉都食唔晒！所以唔叫海鮮係啱既，呢度環境靚，又乾淨，食物都唔錯，可惜太遠太偏辟，一定要揸車！而且價錢偏貴！
走果陣我地剛好兩架車坐12人，可以一齊出去，見到有的士先落左幾個去搭的士！
沒有留言:
發佈留言