Peninsula afternoon tea

好耐冇去過半島飲下午茶，今日約咗好友 F 一齊去，我地 1:30 Pm 去到酒店大堂，在門口排隊等候，下午茶2:00 pm 先開始，不過等左陣，已經可以入去坐低等，大堂呢度有樂隊演奏音樂，我地一路坐住等，一路傾計，都聽到樂隊演奏左好幾首迪士尼嘅音樂，下午茶Set有好幾款茶選擇，我哋一人叫咗一款，一個蜜桃生薑烏龍茶，同另一款熱情果茶，可以share 飲，上次都係同好友 F 一齊來，相隔左好幾年，今日仍然都有D人等位，呢度嘅茶全部係用銀器茶壺，不過了茶壺可能用咗好多年喇，有一個係咁漏水，食物方面嘅質素都唔差，我最想食嘅當然 scone ，同佢地嘅玫瑰花果醬，都好好味，我地一路食一路傾，傾左好耐，因為好友講返佢今次去東京之旅，去過D咩地方，又睇吓佢D相，所以傾左好耐，我哋今晚約咗另一個好友 J 食飯，佢因為未收工所以我哋可以慢慢坐慢慢傾，飲完下午茶我地去咗碼頭果邊行街，睇吓D妝物，不過就冇買到任何野，跟住就去九龍城會合好友 J 。