鮨穴

尋日同好友J食完飯，今日去開銅鑼灣開會，又約佢食飯，今次去咗時代樓上食，近排市道淡靜，好多餐廳都做優惠，呢間都做緊七折，所以就去食下，其實呢間個集團有好多間餐廳，其中一間係之鮨千寿，我上個禮拜先食過，我估計呢間嘅質素應該都係差不多，我哋一人叫咗一個特上刺身拼盤，除咗刺身之外仲有前菜、麵豉湯、燉蛋，另外仲有支 Sake，個刺身拼盤都唔錯，有七折就真係幾抵食！

同好友J傾開去旅行嘅嘢，大家都希望出年可以一齊再去旅行，上年同期我哋一齊四個人去旅行，今年因為另外兩個分咗手，雖然話再見亦是朋友，但係一齊去旅行就未必有機會！