Steak Bar

今日又去銅鑼灣開會，搵好友一齊食飯，行咗去登龍街，見到呢間食牛扒好似唔錯，呢度地方唔大，過咗食飯時間只有兩枱客，我地叫同一樣嘅板腱牛扒定食，佢唔係用鐵板，係用碟上，個牛扒味道唔錯，咁嘅價錢來講都抵食，份量就係細左D，同餐牌張相足足細左一半！

食完嘢我哋傾計，好友仲有十幾日就飛東京，我都準備咗D資料比佢，佢亦都問我意見去東京果四日有咩行程好介紹，同佢商量左一陣，都建議左D行程俾佢，希望佢玩得開心啦！

夜晚收工之後，去咗買雪糕食，呢兩日工作唔係太愉快，心情唔係幾好，所以買杯雪糕，食D甜嘢希望開心D！