緣屋

平時行過上環信德中心，都見到呢間拉麵店，其實佢開咗唔係好耐，之前係白熊咖喱，成日諗住去試吓，最終一直冇去，今日咁岩去上環攞數據卡，因為商場有活動，只要登記同埋 like 佢哋Facebook，就可以有張免費數碼卡，可以在澳門使用一日無限上網，不過要星期六、日先至可以有得攞，如果咁岩係要星期六、日去澳門玩，就可以登記左，一早9:00嚟攞張卡，然後搭船過澳門玩，下星期要同朋友去澳門，所以攞定張卡先，攞完卡就去食拉麵，雖然係星期日不過都冇乜客，座位都幾多，食物選擇就唔算好多，叫咗一碗焦香醬油蝦濃湯拉麵同埋餃子，個湯底都幾濃厚，麵條有D似油麵嘅質感，味道都OK啦！