今日入去西貢航拍，在碼頭附近搵食，見到有條巷仔，入面都有好幾間食肆，去咗呢間食泰國菜嘅小店，叫咗碗泰式雞肉河粉，同埋燒菠蘿雞翼，食物嘅味道都唔錯，只係個雞翼都唔算係燒，雖然表面有少少燒焦，可能係之前燒過，而家翻熱，應該係非繁忙時間，唔會特登為左我果一碟雞翼走去開爐燒吧！
食完野在附近行下，既然入到黎西貢就搵下果間 Noble living ，原本行過左一次，但係見佢唔到，跟Google地圖搵，先發現頭先經過，行返過去先見到，原來佢在兩間食店中間，而兩間食店門外都有帳篷，所以睇唔到佢，加上佢冇招牌，所以真係睇唔到，店入面一個人都冇，產品同平時上海街睇果D差不多，之前在佢把個網頁睇過一D五顏六色嘅廚具，而家都仲有得賣，顏色都係果D無變，所以都冇乜嘢啱！
沒有留言:
發佈留言