航拍 13 - 西貢羊洲

有兩個幾月冇去航拍了，實在技癢，今日起身見到個天色比較灰暗，不過有少少陽光，所以走左入去西貢，睇下有冇乜嘢地方可以航拍，由牛池灣搭小巴入去西貢，沿路見到個天灰灰沉沉，連緊餘嘅太陽都冇左，近幾次去航拍天氣都係唔好，都係冇太陽，去到西貢碼頭，見到個天咁樣都想打退堂鼓，在附近食左少少野之後，由碼頭行過去另外一邊，見到之前山竹果陣冲左埋岸嘅遊艇，仍然擱置左在海濱旁邊，變成左景點，呢度有個小小嘅空地，就響度飛一轉睇下，天色實在唔理想，只係近近地飛左去對面個羊洲度影咗少少相就返來，都冇再飛第二轉喇，唯有等下次天氣好D先再飛啦！