喜點、鮮鍋

去完迪士尼，佢會給好友到長沙灣食飯，因為有朋友生日，去咗呢間火鍋店，佢唔係任食火鍋，類似套餐咁樣，一個價錢，有指定嘅海鮮，同埋配料俾你揀八款，我地都擔心八款配料夠唔夠食，我地都有八個人，例如肥牛一碟可能唔夠食，不過店員話份量會足夠我地食，佢話如果唔夠要加野都係加少少錢，我地有一個花膠湯底，同埋一個粥底喎，海鮮有每人半隻龍蝦、鮑魚、蝦、沙白、貴妃蚌、聖子、多寶魚，配料就揀咗響鈴、鯇魚腩片、雲吞、黑豚肉、肥牛、菜、同埋墨魚滑，分量就真係夠食，雖然肥牛都唔係好夠，不過我地都食淨左少少野，同埋仲有蛋糕食！今次我地去左附近一間舊式麵包店度買蛋糕，買咗個好傳統嘅黑森林蛋糕，價錢好平，味道都唔錯，真係大玩懷舊風！