海運大廈呢邊擴建左之後，都開晒食肆，之前試過其中兩間，今日又去試另一間，店門口有個銷售位置，主要係買D松露產品，入面嘅座位都唔算好多，主要係一D卡位，同埋一到吧枱，有幾張四人枱，同埋有間房，店員比我揀卡位或者吧枱，我就揀咗吧枱，吧枱呢度放咗一個白松露，放在玻璃”米缸”內，另外有一個黑松露，就已經切開咗，放咗喺個刨上，午餐嘅餐牌選擇都有幾款，主要都係揀兩個或者三個course，我揀咗三個course，頭盤本來想食煎鴨肝，但係已經賣晒，所以轉左揀三文魚薯仔沙律，主菜就要黑毛豬扒，甜品就要crème brûlée ，先上麵包配了牛油和另一樣唔記得係乜嘢，不過幾好味！煙三文魚配左薯仔蛋白沙律，表面上有D黑松露片，唔算係好香，食完沙律覺得飽添(^_^*)，豬扒唔係好大塊不過幾厚，𥚃面都幾 juicy，甜品就唔係咁出色，而且有D偏甜，雲呢拿雪糕上面都有塊黑松露，我覺得黑松露配雪糕都唔錯，正如配意粉都係一個好嘅選擇，每一碟食物都有黑松露片，個香味食完之後在口腔裏久久不散，而且呢餐食得非常之飽，飽到晚餐都唔使食！
沒有留言:
發佈留言