都有一段時間冇去堅尼地城呢邊，今晚過來食海鮮，星期四的晚上，店內只有一枱客，店子地方不大，大約廿個位，點餐紙有多款海鮮選擇，亦有一些套餐，我們選了二人餐，都幾多野食，先來呀媽魚湯，奶白色的魚湯，有紅蘿蔔和粟米，都好夠味！飲完湯食沙律，蝦沙律用日式沙律汁，加上碎芝士，酸酸地，唔錯！海鮮先來磯煮鮑魚，印象中的磯煮鮑魚味道一般，店員推介佢地做得好味，果然冇介紹錯，而且鮑魚的質素也很好，跟住有蒜蓉粉絲蒸扇貝同清酒煮花甲，兩款貝殼類都鮮甜，套餐有兩件慢煮星斑扒，細細片的，鋪滿蔥，正合我意，星斑扒慢煮後再煎過，所以外皮有點脆！跟住係爆膏奄仔蟹，跟餐是鮮海蟹，但沒有貨，加錢轉了奄仔，果然是爆膏，用了鹽焗方式煮，外面看來比較乾，但蟹肉不會乾，最後是芝士焗龍蝦，龍蝦頗多膏，好好味！吃的很飽呢！
食到尾聲，得返我地一枱，與店員閒談幾句，說店主在香港仔魚市場有海鮮檔，所以攞到靚貨，難怪海鮮的質素好！
沒有留言:
發佈留言