六月去完名古屋，今日又飛福岡，今次跟好友兩夫婦去九州自駕遊，第一次玩自駕遊，全程由好友安排行程，因為佢先知點行，邊D路段要收費，買邊個 package 包邊D路段，都係佢search 資料，我地兩個女人都冇車牌，只需舒舒服服做乘客！
今日同好友分開飛，因為假期申請比佢地遲，佢地一早訂左特價機票，我遲左訂，要有特價優惠就要揀比佢地遲兩班機，佢地 7:55，我就13:05，HK express 特價機票$1去程，六百幾回程，加埋行李、稅項等等，都要千八，不過都比國泰平左千幾，而且國泰D時間比較晏，前幾天日本又打風，走左譚美，又來一個，好友收到通知，佢地班機要 delay 到10:35，我班機冇收到 delay 通知，本來我遲佢地五小時到，依家相差2.5 小時，好友可以去攞車先，然後在市中心行下街等！
今朝搭巴士去機場，差不多十點上車，好少人，平時早機係好多人撘，晏D相差好遠，今日要去T2做 check in，T2呢邊好靜，D shop 冇乜人，過關都超快，過左關之後去返T1，因為203號閘在呢邊，原本想去 Spaghetti house食野，不過過左11:00，可能冇早餐食，而且架無人駕駛直接去左40號閘果邊，所以都係去 Plaza premium 食野，今日比較肚餓，食左都幾多野，食飽先慢慢搭無人駕駛過去，飛九州係細機，人唔多，12:35開始登機，我買左 U first，可以排優先條隊，可以快小小，飛機準時起飛，飛三小時五分鐘就到！去到已經係日本時間5:25，過關都算快，廿分鐘已經可以去等行李，等等下有關員話轉左第二條行李運輸帶，行到過去見到行李已經到晒，攞埋行李過關，同好友會合，佢哋話攪租車果度好多人，因為同一班機個個都去呢間租車，所以等左好耐，等到我到埗前先攪掂左冇幾耐，一上車我地就直接返酒店，第一晚租住左唐津第一酒店，由機場過去，大約50分鐘車程，去到酒店都七點，我地放低行李就出去食野！
去左附近一間叫做無添加倉壽司的回轉壽司店，今晚頗多人等位，我地等左大約10分鐘就有位，我地好肚餓，不停 order，因為每碟¥100，大拖羅同一D特別季節限定就¥200，用碟計算，每隻碟計¥100，呢度D大拖羅同牡丹蝦好好味，真係好抵食，如果計碟，我地 total 67碟！大概有四十幾碟，多數一碟一件，再叫埋甜品，真係好飽！食完野返酒店，先去一轉7-11睇下有冇梅酒，都係冇，跟住返酒店休息！明天要一早起身上山！
壽司店網址：
沒有留言:
發佈留言