妺記大排檔

尋晚好友相約今晚食飯，去咗旺角食，旺角有好多上樓的食店，呢間在女人街的大廈內，大廈看起來很新淨不知是翻新還是新的，上到去勁多人等位，因為呢度要人齊先至可以入座，所以每一枱都係齊晒人一齊等，不過都好快有位，等位時見到接待處有隻肥貓在瞓覺，出邊人多嘈雜都唔影響佢繼續瞓覺，呢度好有大排檔嘅感覺，又多人又嘈吵！

小菜嘅選擇都有好多，我哋三個人叫咗四個小菜，有豬手、薯仔牛柳粒、炸墨魚咀、炒虎皮尖椒，食物嘅味道都幾好，我地一路食一路傾，大家都有好幾個月冇見，都講下近況同埋去向，群組中一個好友最近去左英國攞證書，順道去左歐洲其他國家，兩公婆放低四個小朋友過二人世界，真係開心！