好友去完日本回來，相約一起晚飯，今晚自己煮，整咗四個餸，有白灼蝦、煲仔鮑魚、炒韭菜花同埋鹽焗魚，因為好友買咗焗爐，所以特登整鹽焗魚食，煲仔鮑魚佢都係第一次做，鮑魚略為老左少少，其實真係好少，不過味道就好好！食得好飽呢！
食完飯我地坐低傾計，食水果，講下好友去日本邊度玩，佢好叻，夾左幾個公仔返嚟，用得唔多錢，亦都買咗唔少手信返來，呢個月份，最啱就係食水蜜桃同埋提子，好友買咗唔少，當然我都有份啦！好友仲買咗件T恤俾我，我好鍾意！係我地每次去日本都會幫襯嘅牌子，好開心呢！又食又拎，真係多謝晒！（＾_＾）
沒有留言:
發佈留言