Pinot duck

之前路過灣仔見到呢間食店，今日就去試下，食店所在嘅位置係一座新嘅住宅大廈！剛剛過咗午飯時間，全場得我地一枱，不過佢地冇落場時間，所以我地可以慢慢坐，我地叫左兩個 starter，一個係北京填鴨米芒果紙卷、北京填鴨荷葉包、荔芋鴨肉球，主菜叫咗一個腩肉同埋臘肉炒芥蘭！飲品我地揀咗一杯朱古力啤酒同埋一杯lemonade ，兩個 starter 都有北京填鴨，既然店家主要係賣填鴨，品質應該唔差，原本想叫半隻北京填鴨，但係需要預訂，所以冇叫，兩個starter 的填鴨就有點失望，鴨皮唔香脆，味道一般！主菜個豬腩肉配芋頭，味道就唔錯，芥蘭就應該係灼完再炒，濕氣比較重，而且冇乜味！食完主菜我哋都有叫甜品，甜品反而做得不錯，我地叫左一個酥炸杏仁奶同埋陳皮crème brûlée ，兩款都好味！