迪士尼巨星嘉年華

一早約左好友今日去迪士尼，源於多年前的一張合照，當年大家第一次去香港迪士尼，同小熊維尼影左張相，為左要在同一日期同一地方影返同一款相，我地相約今天入園！

早上先在青衣城食早餐，然後入園，入到去，好熱好曬！未入到去已經身水身汗！不過好天氣只維持不久，便開始落雨！我地先去玩 Iron man ，今日樂園好多人，但係竟然唔使排隊！梗係玩多次啦！玩完出來好大雨，我地匆匆走去酒樓，因為訂左枱12:30食 lunch，食飯時聽到外面行雷！我地叫左唔係咁多野食，因為今晚會食 buffet，其實主要係要切蛋糕，今個月有兩個朋友生日，所以一早訂左蛋糕，surprise 一下！

今日係會員特別日子 Pixar 好友夏日派對，會員可以留到10:30，而且好多地方6:00後只可以會員入，我雖然已經登記，但取手帶的時間是下午，我上午已入園，加再今晚會早走，所以冇去攞手帶！食完飯，諗住去同小熊維尼影相，點知已經收左，晏D要4:30後，但係只招待會員！我地唯有在亭內影下相紀念一下！跟住再去反斗奇兵玩，但係好大雨，三個機動遊戲都冇開，轉去玩迷離莊園，玩完出來，就去 shoppoing ，買完野見到有巡遊，個巡遊叫迪士尼巨星嘉年華，主要係D車會噴水花，今日落左成日雨，大家都濕晒！都唔爭在！

睇完巡遊終於都停雨！我地都冇乜時間玩，只係玩左 Space mountain 就走，行到小鎮大街，見到 Chip and Dale 好友想影，後來知到15分鐘後有 Donald ，我地決定等，今日無論如何都要影隻公仔！最後影左Donald ，算係完成左部份目的！